अद्वैतशारदा | दक्षिणाम्नाय श्रीशारदापीठम्, शृङ्गेरी

ತಸ್ಮಾದ್ಯಸ್ಯ ಮಹಾಬಾಹೋ ನಿಗೃಹೀತಾನಿ ಸರ್ವಶಃ ।
ಇಂದ್ರಿಯಾಣೀಂದ್ರಿಯಾರ್ಥೇಭ್ಯಸ್ತಸ್ಯ ಪ್ರಜ್ಞಾ ಪ್ರತಿಷ್ಠಿತಾ ॥ ೬೮ ॥

ಇಂದ್ರಿಯಾಣಾಂ ಪ್ರವೃತ್ತೌ ದೋಷ ಉಪಪಾದಿತೋ ಯಸ್ಮಾತ್ , ತಸ್ಮಾತ್ ಯಸ್ಯ ಯತೇಃ ಹೇ ಮಹಾಬಾಹೋ, ನಿಗೃಹೀತಾನಿ ಸರ್ವಶಃ ಸರ್ವಪ್ರಕಾರೈಃ ಮಾನಸಾದಿಭೇದೈಃ ಇಂದ್ರಿಯಾಣಿ ಇಂದ್ರಿಯಾರ್ಥೇಭ್ಯಃ ಶಬ್ದಾದಿಭ್ಯಃ ತಸ್ಯ ಪ್ರಜ್ಞಾ ಪ್ರತಿಷ್ಠಿತಾ ॥ ೬೮ ॥

ಇಂದ್ರಿಯಾಣಾಮಿತಿ ;

ತಚ್ಛಬ್ದಾಪೇಕ್ಷಿತಾರ್ಥೋಕ್ತಿದ್ವಾರಾ ಶ್ಲೋಕಮವತಾರಯತಿ -

ಇಂದ್ರಿಯಾಣಾಮಿತಿ ।

ಅಸಮಾಹಿತೇನ ಮನಸಾ ಯಸ್ಮಾತ್ ಅನುವಿಧೀಯಮಾನಾನಿ ಇಂದ್ರಿಯಾಣಿ ಪ್ರಸಹ್ಯ ಪ್ರಜ್ಞಾಮಪಹರಂತಿ, ತಸ್ಮಾತ್ ಇತಿ ಯೋಜನಾ ॥ ೬೮ ॥