அஶேஷவிஷயத்யாகே³ ஜீவநமபி கத²ம் ? இத்யாஶங்க்யாஹ -

ஜீவநேதி ।

ஸம்ப⁴வத்³ராக³த்³வேஷாதி³கே தே³ஶே நிவாஸவ்யாவ்ருத்த்யர்த²ம் சரதீத்யேதத்³ வ்யாசஷ்டே-

பர்யடதீதி ।

‘விஹாய காமாந்’ (ப⁴. கீ³. 2-71) இத்யநேந புநருக்திம் பரிஹரதி-

ஶரீரேதி ।

நி:ஸ்ப்ருஹத்வமுக்த்வா நிர்மமத்வம் புநர்வத³ந் , கத²ம் புநருக்திமார்தி²கீம் ந பஶ்யஸி ? இத்யாஶங்க்யாஹ -

ஶரீரஜீவநேதி ।

ஸத்யஹங்காரே மமகாரஸ்ய ஆவஶ்யகத்வாத் நிரஹங்காரத்வம் வ்யாகரோதி -

வித்³யாவத்த்வாதீ³தி ।

‘ஸ ஶாந்திமாப்நோதி’ இத்யுக்தமுபஸம்ஹரதி -

ஸ ஏவம்பூ⁴த இதி ।

ஸம்ந்யாஸிநோ மோக்ஷமபேக்ஷமாணஸ்ய ஸர்வகாமபரித்யாகா³தீ³நி ஶ்லோகோக்தாநி விஶேஷணாநி யத்நஸாத்⁴யாநி, தத்ஸம்மதிப²லம் து  கைவல்யமித்யர்த²: ॥ 71 ॥