ஶ்ரீமத்³ப⁴க³வத்³கீ³தாபா⁴ஷ்யம்
த்ருதீயோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
இஷ்டாந்போ⁴கா³ந்ஹி வோ தே³வா தா³ஸ்யந்தே யஜ்ஞபா⁴விதா: ।
தைர்த³த்தாநப்ரதா³யைப்⁴யோ யோ பு⁴ங்க்தே ஸ்தேந ஏவ ஸ: ॥ 12 ॥
இஷ்டாந் அபி⁴ப்ரேதாந் போ⁴கா³ந் ஹி வ: யுஷ்மப்⁴யம் தே³வா: தா³ஸ்யந்தே விதரிஷ்யந்தி ஸ்த்ரீபஶுபுத்ராதீ³ந் யஜ்ஞபா⁴விதா: யஜ்ஞை: வர்தி⁴தா: தோஷிதா: இத்யர்த²: । தை: தே³வை: த³த்தாந் போ⁴கா³ந் அப்ரதா³ய அத³த்த்வா, ஆந்ருண்யமக்ருத்வா இத்யர்த²:, ஏப்⁴ய: தே³வேப்⁴ய:, ய: பு⁴ங்க்தே ஸ்வதே³ஹேந்த்³ரியாண்யேவ தர்பயதி ஸ்தேந ஏவ தஸ்கர ஏவ ஸ: தே³வாதி³ஸ்வாபஹாரீ ॥ 12 ॥
இஷ்டாந்போ⁴கா³ந்ஹி வோ தே³வா தா³ஸ்யந்தே யஜ்ஞபா⁴விதா: ।
தைர்த³த்தாநப்ரதா³யைப்⁴யோ யோ பு⁴ங்க்தே ஸ்தேந ஏவ ஸ: ॥ 12 ॥
இஷ்டாந் அபி⁴ப்ரேதாந் போ⁴கா³ந் ஹி வ: யுஷ்மப்⁴யம் தே³வா: தா³ஸ்யந்தே விதரிஷ்யந்தி ஸ்த்ரீபஶுபுத்ராதீ³ந் யஜ்ஞபா⁴விதா: யஜ்ஞை: வர்தி⁴தா: தோஷிதா: இத்யர்த²: । தை: தே³வை: த³த்தாந் போ⁴கா³ந் அப்ரதா³ய அத³த்த்வா, ஆந்ருண்யமக்ருத்வா இத்யர்த²:, ஏப்⁴ய: தே³வேப்⁴ய:, ய: பு⁴ங்க்தே ஸ்வதே³ஹேந்த்³ரியாண்யேவ தர்பயதி ஸ்தேந ஏவ தஸ்கர ஏவ ஸ: தே³வாதி³ஸ்வாபஹாரீ ॥ 12 ॥

கத²மஸ்மாபி⁴ர்பா⁴விதா: ஸந்தோ தே³வா பா⁴வயிஷ்யந்தி அஸ்மாநிதி, ததா³ஹ -

இஷ்டாநிதி ।

யஜ்ஞாநுஷ்டா²நேந பூர்வோக்தரீத்யா ஸ்வர்கா³பவர்க³யோர்பா⁴வே(அ)பி, கத²ம் ஸ்த்ரீபஶுபுத்ராதி³ஸித்³தி⁴ரித்யாஶங்க்ய, பூர்வார்த⁴ம் வ்யாகரோதி -

இஷ்டாந் அபி⁴ப்ரேதாநிதி ।

பஶ்வாதி³பி⁴ஶ்ச யஜ்ஞாநுஷ்டா²நத்³வாரா போ⁴கோ³ நிர்வர்தநீய:, அந்யதா² ப்ரத்யவாயப்ரஸங்கா³தி³த்யுத்தரார்த⁴ம் வ்யாசஷ்டே -

தைரிதி ।

ஆந்ருண்யமக்ருத்வா இத்யஸ்ய அயமர்த²: - தே³வாநாம்ருஷீணாம் பித்ருணாம் ச யஜ்ஞேந ப்³ரஹ்மசர்யேண ப்ரஜயா ச ஸந்தோஷமநாபாத்³ய, ஸ்வகீயம் கார்யகரணஸங்கா⁴தமேவ போஷ்டும் பு⁴ஞ்ஜாநஸ்தஸ்கரோ ப⁴வதீதி ॥ 12 ॥