ಉಕ್ತೇಽರ್ಥೇ ಸ್ಮೃತ್ಯಂತರಂ ಸಂವಾದಯತಿ -

ಅಗ್ನಾವಿತಿ ।

ತತ್ರ ಹಿ ದೇವತಾಭಿಧ್ಯಾನಪೂರ್ವಕಂ ತದುದ್ದೇಶೇನ ಪ್ರಹಿತಾಹುತಿರಪೂರ್ವತಾಂ ಗತಾ ರಶ್ಮಿದ್ವಾರೇಣಾದಿತ್ಯಮಾರುಹ್ಯ, ವೃಷ್ಟ್ಯಾತ್ಮನಾ ಪೃಥಿವೀಂ ಪ್ರಾಪ್ಯ, ವ್ರಿಹಿಯವಾದ್ಯನ್ನಭಾವಮಾಪದ್ಯ, ಸಂಸ್ಕೃತೋಪಭುಕ್ತಾ ಶುಕ್ರಶೋಣಿತರೂಪೇಣ ಪರಿಣತಾ ಪ್ರಜಾಭಾವಂ ಪ್ರಾಪ್ನೋತೀತ್ಯರ್ಥಃ ।

‘ಯಜ್ಞಃ ಕರ್ಮಸಮುದ್ಭವಃ’ (ಭ. ಗೀ. ೩-೧೪) ಇತ್ಯಯುಕ್ತಂ, ಸ್ವಸ್ಯೈವ ಸ್ವೋದ್ಭವೇ ಕಾರಣತ್ವಾಯೋಗಾದಿತ್ಯಾಶಂಕ್ಯಾಹ -

ಋತ್ವಿಗಿತಿ ।

ದ್ರವ್ಯದೇವತಯೋಃ ಸಂಗ್ರಾಹಕಶ್ಚಕಾರಃ ॥ ೧೪ ॥