కిమితి కర్మణో బ్రహ్మోద్భవత్వముచ్యతే ? సర్వస్య తదుద్భవత్వావిశేషాదిత్యాశఙ్క్యాహ -

బ్రహ్మ వేద ఇతి ।

బ్రహ్మ తర్హి వేదాఖ్యమనాదినిధనమితి, తత్రాహ -

బ్రహ్మ పునరితి ।

అక్షరాత్మనో వేదస్య పునరక్షరేభ్యః సకాశాదేవ సముద్భవో న సమ్భవతీత్యాశఙ్క్యాహ -

అక్షరమితి ।

బ్రహ్మేత్యక్షరమేవోక్తం, తత్ కథం తస్మాదేవోద్భవతీత్యాశఙ్క్య, బ్రహ్మశబ్దార్థముక్తమేవ స్మారయతి -

బ్రహ్మ వేద ఇతి ।

నను బ్రహ్మశబ్దితస్య వేదస్యాపి పౌరుషేయత్వాత్ ప్రామాణ్యసన్దేహాత్ కథం తదుక్తమగ్నిహోత్రాదికం కర్మ నిర్ధారయితుం శక్యతే ? తత్రాహ -

యస్మాదితి ।

కథం తర్హి తస్య యజ్ఞే ప్రతిష్ఠితత్వం ? సర్వగతత్వే విశేషాయోగాదిత్యాశఙ్క్యాహ -

సర్వగతమపీతి

॥ ౧౫ ॥