ಅಪ್ರಾಪ್ತಸ್ಯ ಪ್ರಾಪ್ತಯೇ ತವಾಪಿ ಕರ್ತೃತ್ವಸಂಭವಾದ್ ನ ಕಿಂಚಿದಪಿ ವಿದ್ಯತೇ ಕರ್ತವ್ಯಮಿತಿ ಕಥಮುಕ್ತಮಿತ್ಯಾಶಂಕ್ಯಾಹ -

ನಾನವಾಪ್ತಮಿತಿ ।

ಪ್ರತೀಕಮುಪಾದಾಯ ವ್ಯಾಖ್ಯಾನದ್ವಾರಾ ವಿದ್ಯಾವತೋಽಪಿ ಕರ್ಮಪ್ರವೃತ್ತಿಂ ಸಂಭಾವಯತಿ -

ನೇತ್ಯಾದಿನಾ ।

ಅನ್ವಯಾರ್ಥಂ ಪುನರ್ನಞೋಽನುವಾದಃ ।

ಭಗವತೋ ನಾಸ್ತಿ ಕರ್ತವ್ಯಮಿತ್ಯೇತದಾಕಾಂಕ್ಷಾದ್ವಾರಾ ಸ್ಫೋರಯತಿ -

ಕಸ್ಮಾದಿತ್ಯಾದಿನಾ ।

ಪ್ರಯೋಜನಾಭಾವೇ ತ್ವಯಾಽಪಿ ನಾನುಷ್ಠೇಯಂ ಕರ್ಮೇತ್ಯಾಶಂಕ್ಯ ಲೋಕಸಂಗ್ರಹಾರ್ಥಂ ಮಮಾಪಿ ಕರ್ಮಾನುಷ್ಠಾನಮಿತಿ ಮತ್ವಾಽಽಹ -

ತಥಾಪೀತಿ ।

॥ ೨೨ ॥