ஶ்ரீமத்³ப⁴க³வத்³கீ³தாபா⁴ஷ்யம்
த்ருதீயோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
ந மே பார்தா²ஸ்தி கர்தவ்யம் த்ரிஷு லோகேஷு கிஞ்சந ।
நாநவாப்தமவாப்தவ்யம் வர்த ஏவ ச கர்மணி ॥ 22 ॥
ந மே மம பார்த² ந அஸ்தி ந வித்³யதே கர்தவ்யம் த்ரிஷு அபி லோகேஷு கிஞ்சந கிஞ்சித³பி । கஸ்மாத் ? ந அநவாப்தம் அப்ராப்தம் அவாப்தவ்யம் ப்ராபணீயம் , ததா²பி வர்தே ஏவ ச கர்மணி அஹம் ॥ 22 ॥
ந மே பார்தா²ஸ்தி கர்தவ்யம் த்ரிஷு லோகேஷு கிஞ்சந ।
நாநவாப்தமவாப்தவ்யம் வர்த ஏவ ச கர்மணி ॥ 22 ॥
ந மே மம பார்த² ந அஸ்தி ந வித்³யதே கர்தவ்யம் த்ரிஷு அபி லோகேஷு கிஞ்சந கிஞ்சித³பி । கஸ்மாத் ? ந அநவாப்தம் அப்ராப்தம் அவாப்தவ்யம் ப்ராபணீயம் , ததா²பி வர்தே ஏவ ச கர்மணி அஹம் ॥ 22 ॥

அப்ராப்தஸ்ய ப்ராப்தயே தவாபி கர்த்ருத்வஸம்ப⁴வாத்³ ந கிஞ்சித³பி வித்³யதே கர்தவ்யமிதி கத²முக்தமித்யாஶங்க்யாஹ -

நாநவாப்தமிதி ।

ப்ரதீகமுபாதா³ய வ்யாக்²யாநத்³வாரா வித்³யாவதோ(அ)பி கர்மப்ரவ்ருத்திம் ஸம்பா⁴வயதி -

நேத்யாதி³நா ।

அந்வயார்த²ம் புநர்நஞோ(அ)நுவாத³: ।

ப⁴க³வதோ நாஸ்தி கர்தவ்யமித்யேததா³காங்க்ஷாத்³வாரா ஸ்போ²ரயதி -

கஸ்மாதி³த்யாதி³நா ।

ப்ரயோஜநாபா⁴வே த்வயா(அ)பி நாநுஷ்டே²யம் கர்மேத்யாஶங்க்ய லோகஸங்க்³ரஹார்த²ம் மமாபி கர்மாநுஷ்டா²நமிதி மத்வா(அ)(அ)ஹ -

ததா²பீதி ।

॥ 22 ॥