అప్రాప్తస్య ప్రాప్తయే తవాపి కర్తృత్వసమ్భవాద్ న కిఞ్చిదపి విద్యతే కర్తవ్యమితి కథముక్తమిత్యాశఙ్క్యాహ -
నానవాప్తమితి ।
ప్రతీకముపాదాయ వ్యాఖ్యానద్వారా విద్యావతోఽపి కర్మప్రవృత్తిం సమ్భావయతి -
నేత్యాదినా ।
అన్వయార్థం పునర్నఞోఽనువాదః ।
భగవతో నాస్తి కర్తవ్యమిత్యేతదాకాఙ్క్షాద్వారా స్ఫోరయతి -
కస్మాదిత్యాదినా ।
ప్రయోజనాభావే త్వయాఽపి నానుష్ఠేయం కర్మేత్యాశఙ్క్య లోకసఙ్గ్రహార్థం మమాపి కర్మానుష్ఠానమితి మత్వాఽఽహ -
తథాపీతి ।
॥ ౨౨ ॥