अद्वैतशारदा | दक्षिणाम्नाय श्रीशारदापीठम्, शृङ्गेरी

ప్రకృతేః క్రియమాణాని గుణైః కర్మాణి సర్వశః ।
అహఙ్కారవిమూఢాత్మా కర్తాహమితి మన్యతే ॥ ౨౭ ॥

ప్రకృతేః ప్రకృతిః ప్రధానం సత్త్వరజస్తమసాం గుణానాం సామ్యావస్థా తస్యాః ప్రకృతేః గుణైః వికారైః కార్యకరణరూపైః క్రియమాణాని కర్మాణి లౌకికాని శాస్త్రీయాణి చ సర్వశః సర్వప్రకారైః అహఙ్కారవిమూఢాత్మా కార్యకరణసఙ్ఘాతాత్మప్రత్యయః అహఙ్కారః తేన వివిధం నానావిధం మూఢః ఆత్మా అన్తఃకరణం యస్య సః అయం కార్యకరణధర్మా కార్యకరణాభిమానీ అవిద్యయా కర్మాణి ఆత్మని మన్యమానః తత్తత్కర్మణామ్ అహం కర్తా ఇతి మన్యతే ॥ ౨౭ ॥

ప్రకృతేరితి ; ప్రకృతేరిత్యాదినా ;

కర్తృత్వమాత్మనః అవాస్తవమ్ ఇత్యభ్యుపగమాద్ విద్వాన్ కథం కుర్వన్నేవ తస్యాభావం పశ్యతీత్యాశఙ్క్యాహ -

ప్రకృతేరితి ।

కర్మసు అవిదుషః సక్తిప్రకారం ప్రకటయన్ వ్యాకరోతి -

ప్రకృతేరిత్యాదినా ।

ప్రధాన శబ్దేన మాయాశక్తిరుచ్యతే । అవిద్యయేత్యుభయతః సమ్బధ్యతే ॥ ౨౭ ॥