ஶ்ரீமத்³ப⁴க³வத்³கீ³தாபா⁴ஷ்யம்
த்ருதீயோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
தத்த்வவித்து மஹாபா³ஹோ கு³ணகர்மவிபா⁴க³யோ: ।
கு³ணா கு³ணேஷு வர்தந்த இதி மத்வா ந ஸஜ்ஜதே ॥ 28 ॥
தத்த்வவித் து மஹாபா³ஹோ । கஸ்ய தத்த்வவித் ? கு³ணகர்மவிபா⁴க³யோ: கு³ணவிபா⁴க³ஸ்ய கர்மவிபா⁴க³ஸ்ய ச தத்த்வவித் இத்யர்த²: । கு³ணா: கரணாத்மகா: கு³ணேஷு விஷயாத்மகேஷு வர்தந்தே ந ஆத்மா இதி மத்வா ந ஸஜ்ஜதே ஸக்திம் ந கரோதி ॥ 28 ॥
தத்த்வவித்து மஹாபா³ஹோ கு³ணகர்மவிபா⁴க³யோ: ।
கு³ணா கு³ணேஷு வர்தந்த இதி மத்வா ந ஸஜ்ஜதே ॥ 28 ॥
தத்த்வவித் து மஹாபா³ஹோ । கஸ்ய தத்த்வவித் ? கு³ணகர்மவிபா⁴க³யோ: கு³ணவிபா⁴க³ஸ்ய கர்மவிபா⁴க³ஸ்ய ச தத்த்வவித் இத்யர்த²: । கு³ணா: கரணாத்மகா: கு³ணேஷு விஷயாத்மகேஷு வர்தந்தே ந ஆத்மா இதி மத்வா ந ஸஜ்ஜதே ஸக்திம் ந கரோதி ॥ 28 ॥

துஶப்³தே³நாஜ்ஞாத்³ விஶிஷ்டே நிர்தி³ஷ்ட²ப்ரஶ்நபூர்வகம் த்³விதீயபாத³மவதார்ய வ்யாசஷ்டே -

கஸ்யேத்யாதி³நா ।

கு³ணாநாமேவ கு³ணேஷு வர்தமாநத்வமயுக்தம், நிர்கு³ணத்வாத் தேஷாமித்யாஶங்க்ய விப⁴ஜதே -

கு³ணா இதி ।

கார்யகரணாநாமேவ விஷயேஷு ப்ரவ்ருத்தி:, ஆத்மநஸ்து கூடஸ்த²த்வாத் மைவமிதி ஜ்ஞாத்வா, தத்த்வவித் கர்மஸு த்³ருட⁴தரம் கர்தவ்யாபி⁴மாநம் ந கரோதீத்யர்த²: ॥ 28 ॥