ಪ್ರತೀಕಮಾದಾಯ ವ್ಯಾಕರೋತಿ -

ಆವೃತಮಿತ್ಯಾದಿನಾ ।

ಜ್ಞಾನಿನಾಂ ಪ್ರತಿ ವೈರಿತ್ವೇಽಪಿ, ನಿತ್ಯವೈರಿತ್ವಂ ಕಾಮಸ್ಯ ಕಥಮಿತ್ಯಾಶಂಕ್ಯಾಹ -

ಜ್ಞಾನೀ ಹೀತಿ ।

ಅನರ್ಥಪ್ರಾಪ್ತಿಮಂತರೇಣ ಕಾಮಸ್ಯ ಪ್ರಸಂಗಾವಸ್ಥಾ ಪೂರ್ವಮೇವೇತ್ಯುಚ್ಯತೇ । ಅತಃ ಶಬ್ದೇನ ಕಾಮಪ್ರಸಕ್ತಿರೇವ ಪರಾಮೃಶ್ಯತೇ । ನಿತ್ಯಮೇವೇತ್ಯುತ್ಪತ್ತ್ಯವಸ್ಥಾ ಚ ಕಾಮಸ್ಯ ಕಥ್ಯತೇ ।

ನನು ಸರ್ವಸ್ಯಾಪಿ ಕಾಮಾತ್ಮತಾ ऩ ಪ್ರಶಸ್ತೇತಿ ಕಾಮೋ ನಿತ್ಯವೈರೀ ಭವತಿ, ತತಃ ಕುತೋ ಜ್ಞಾನಿವಿಶೇಷಣಮಿತ್ಯಾಶಂಕ್ಯಾಹ -

ನ ತ್ವಿತಿ ।

ಅಜ್ಞಸ್ಯ ನಾಸೌ ನಿತ್ಯವೈರೀತ್ಯೇತದುಪಪಾದಯತಿ -

ಸ ಹೀತಿ ।

ಕಾರ್ಯಪ್ರಾಪ್ತಿಪ್ರಾಗವಸ್ಥಾ ಪೂರ್ವಮಿತ್ಯುಕ್ತಾ ।