अद्वैतशारदा | दक्षिणाम्नाय श्रीशारदापीठम्, शृङ्गेरी

తస్మాత్త్వమిన్ద్రియాణ్యాదౌ నియమ్య భరతర్షభ ।
పాప్మానం ప్రజహిహ్యేనం జ్ఞానవిజ్ఞాననాశనమ్ ॥ ౪౧ ॥

తస్మాత్ త్వమ్ ఇన్ద్రియాణి ఆదౌ పూర్వమేవ నియమ్య వశీకృత్య భరతర్షభ పాప్మానం పాపాచారం కామం ప్రజహిహి పరిత్యజ ఎనం ప్రకృతం వైరిణం జ్ఞానవిజ్ఞాననాశనం జ్ఞానం శాస్త్రతః ఆచార్యతశ్చ ఆత్మాదీనామ్ అవబోధః, విజ్ఞానం విశేషతః తదనుభవః, తయోః జ్ఞానవిజ్ఞానయోః శ్రేయఃప్రాప్తిహేత్వోః నాశనం నాశకరం ప్రజహిహి ఆత్మనః పరిత్యజేత్యర్థః ॥ ౪౧ ॥

జ్ఞానేతి ; జ్ఞానమిత్యాదినా ;

పాపమూలతయా కామస్య తచ్ఛబ్దవాచ్యత్వమున్నేయమ్ । కామస్య పరిత్యాజ్యత్వే వైరిత్వం హేతుం సాధయతి -

జ్ఞానేతి ।

జ్ఞానవిజ్ఞానశబ్దయోరర్థభేదమావేదయతి -

జ్ఞానమిత్యాదినా

॥ ౪౧ ॥