ಕಿಮಿತಿ ವರ್ತಮಾನೇ ಕಾಲೇ ಪ್ರಕೃತೋ ಯೋಗಃ ಸಂಪ್ರದಾಯರಹಿತೋಽಭೂದಿತ್ಯಾಶಂಕ್ಯ, ಅಧಿಕಾರ್ಯಭಾವಾದಿತ್ಯಾಹ -

ದುರ್ಬಲಾನಿತಿ ।

ತದೇವ ದೌರ್ಬಲ್ಯಂ ಪ್ರಕೃತೋಪಯೋಗಿತ್ವೇನ ವ್ಯಾಕರೋತಿ -

ಅಜಿತೇಂದ್ರಿಯಾನಿತಿ ।

ಯದ್ಯಪಿ ಕಾಮಕ್ರೋಧಾದಿಪ್ರಧಾನಾನ್ ಪುರುಷಾನ್ ಪ್ರತಿಲಭ್ಯ ಕಾಮಕ್ರೋಧಾದಿಭಿರಭಿಭೂಯಮಾನೋ ಯೋಗಃ ನಷ್ಟಃ - ವಿಚ್ಛಿನ್ನಸಂಪ್ರದಾಯಃ ಸಂಜಾತಃ, ತಥಾಽಪಿ ಯೋಗಾದೃತೇ ಪುರುಷಾರ್ಥೋ ಲೋಕಸ್ಯ ಲಭ್ಯತೇ ಚೇತ್ - ಕಿಮನೇನ ಯೋಗೋಪದೇಶೇನೇತ್ಯಾಶಂಕ್ಯ, ಯಥೋಕ್ತಯೋಗಾಭಾಬೇ ಪರಮಪುರುಷಾರ್ಥಾಪ್ರಾಪ್ತೇರ್ಮೈವಮಿತ್ಯಹ -

ಲೋಕಂ ಚೇತಿ ।