కిమితి వర్తమానే కాలే ప్రకృతో యోగః సమ్ప్రదాయరహితోఽభూదిత్యాశఙ్క్య, అధికార్యభావాదిత్యాహ -
దుర్బలానితి ।
తదేవ దౌర్బల్యం ప్రకృతోపయోగిత్వేన వ్యాకరోతి -
అజితేన్ద్రియానితి ।
యద్యపి కామక్రోధాదిప్రధానాన్ పురుషాన్ ప్రతిలభ్య కామక్రోధాదిభిరభిభూయమానో యోగః నష్టః - విచ్ఛిన్నసమ్ప్రదాయః సఞ్జాతః, తథాఽపి యోగాదృతే పురుషార్థో లోకస్య లభ్యతే చేత్ - కిమనేన యోగోపదేశేనేత్యాశఙ్క్య, యథోక్తయోగాభాబే పరమపురుషార్థాప్రాప్తేర్మైవమిత్యహ -
లోకం చేతి ।