ஶ்ரீமத்³ப⁴க³வத்³கீ³தாபா⁴ஷ்யம்
சதுர்தோ²(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
ஶ்ரீப⁴க³வாநுவாச —
ப³ஹூநி மே வ்யதீதாநி ஜந்மாநி தவ சார்ஜுந ।
தாந்யஹம் வேத³ ஸர்வாணி ந த்வம் வேத்த² பரந்தப ॥ 5 ॥
ப³ஹூநி மே மம வ்யதீதாநி அதிக்ராந்தாநி ஜந்மாநி தவ ச ஹே அர்ஜுந । தாநி அஹம் வேத³ ஜாநே ஸர்வாணி ந த்வம் வேத்த² ந ஜாநீஷே, த⁴ர்மாத⁴ர்மாதி³ப்ரதிப³த்³த⁴ஜ்ஞாநஶக்தித்வாத் । அஹம் புந: நித்யஶுத்³த⁴பு³த்³த⁴முக்தஸ்வபா⁴வத்வாத் அநாவரணஜ்ஞாநஶக்திரிதி வேத³ அஹம் ஹே பரந்தப ॥ 5 ॥
ஶ்ரீப⁴க³வாநுவாச —
ப³ஹூநி மே வ்யதீதாநி ஜந்மாநி தவ சார்ஜுந ।
தாந்யஹம் வேத³ ஸர்வாணி ந த்வம் வேத்த² பரந்தப ॥ 5 ॥
ப³ஹூநி மே மம வ்யதீதாநி அதிக்ராந்தாநி ஜந்மாநி தவ ச ஹே அர்ஜுந । தாநி அஹம் வேத³ ஜாநே ஸர்வாணி ந த்வம் வேத்த² ந ஜாநீஷே, த⁴ர்மாத⁴ர்மாதி³ப்ரதிப³த்³த⁴ஜ்ஞாநஶக்தித்வாத் । அஹம் புந: நித்யஶுத்³த⁴பு³த்³த⁴முக்தஸ்வபா⁴வத்வாத் அநாவரணஜ்ஞாநஶக்திரிதி வேத³ அஹம் ஹே பரந்தப ॥ 5 ॥

அதீதாநேகஜந்மவத்த்வம் மமைவ நாஸாதா⁴ரணம், கிந்து ஸர்வப்ராணிஸாதா⁴ரணமித்யாஹ -

தவ சேதி ।

தாநி ப்ரமாணாபா⁴வாந்ந ப்ரதிபா⁴ந்தீத்யாஶங்க்யாஹ -

தாநீதி ।

ஈஶ்வரஸ்யாநாவ்ருதஜ்ஞாநத்வாதி³த்யர்த²: ।

கிமிதி தர்ஹி தாநி மம ந ப்ரதீயந்தே ? தவாவ்ருதஜ்ஞாநத்வாதி³த்யாஹ -

ந த்வமிதி ।

பராந் பரிகல்ப்ய தத்பரிப⁴வார்த²ம் ப்ரவ்ருத்தத்வாத் தவ ஜ்ஞாநாவரணம் விஜ்ஞேயமித்யாஹ -

பரந்தபேதி ।

அர்ஜுநஸ்ய ப⁴க³வதா ஸஹாதீதாநேகஜந்மவத்த்வே துல்யே(அ)பி, ஜ்ஞாநவைஷம்யே ஹேதுமாஹ -

த⁴ர்மேதி ।

ஆதி³ஶப்³தே³ந ராக³லோபா⁴த³யோ க்³ருஹ்யந்தே ।

ஈஶ்வரஸ்யாதீதாநாக³தவர்தமாநஸர்வார்த²விஷயஜ்ஞாநவத்த்வே ஹேதுமாஹ -

அஹமிதி

॥ 5 ॥