కర్మతత్ఫలసంస్పర్శశూన్యమీశ్వరం పశ్యతో దర్శనానురూపం ఫలం దర్శయతి -
న మామితి ।
తాని కర్మాణీతి యేషాం కర్మణామహం కర్తా తవాభిమతః, తానీతి యావత్ ।
దేహేన్ద్రియాద్యారమ్భకత్వేన తేషాం కర్మణామీశ్వరే సంస్పర్శాభావే, తస్య తత్కరణావస్థాయామహఙ్కారాభావం హేతుం కరోతి -
అహఙ్కారాభావాదితి ।
కర్మఫలతృష్ణాభావాచ్చేశ్వరం కర్మాణి న లిమ్పన్తి, ఇత్యాహ-
నచేతి ।
ఉక్తమేవ ప్రపఞ్చయతి -
యేషాం త్వితి ।
తదభావాత్ -కర్మసు ‘అహం కర్తా’ ఇత్యభిమానస్య, తత్ఫలేషు స్పృహాయాశ్చాభావాదిత్యర్థః ।
ఈశ్వరస్య కర్మనిర్లేపేఽపి, క్షేత్రజ్ఞస్య కిమాయాతమ్ ? ఇత్యాశఙ్క్య, ఉత్తరార్ధం వ్యాచష్టే -
ఇత్యేవమితి ।
అభిజ్ఞానప్రకారమభినయతి -
నాహమితి ।
జ్ఞానఫలం కథయతి -
స కర్మభిరితి ।
కర్మాసమ్బన్ధం విదుషి విశదయతి -
తస్యాపీతి
॥ ౧౪ ॥