ತಸ್ಮಾದಿತ್ಯುಕ್ತಮೇವ ಸ್ಫುಟಯತಿ -

ಪೂರ್ವೈರಿತಿ ।

ಯದುಕ್ತಂ ಕಿಂ ಮಮ ಕರ್ಮಣೇತಿ, ತತ್ರ ತ್ವಮಜ್ಞೋ ವಾ, ತತ್ತ್ವವಿದ್ವಾ ? । ಯದ್ಯಜ್ಞಃ, ತದಾ ಚಿತ್ತಶುದ್ಧ್ಯರ್ಥಂ ಕುರು ಕರ್ಮ ಇತ್ಯಾಹ -

ಯದೀತಿ ।

ದ್ವಿತೀಯಂ ಪ್ರತ್ಯಾಹ -

ತತ್ತ್ವವಿದಿತಿ ।

ಕುರು ಕರ್ಮೇತಿ ಸಂಬಂಧಃ ।

ಪೂರ್ವೈರ್ಮೂಢೈರಾಚರಿತಮಿತ್ಯೇತಾವತಾ ಕಿಮಿತಿ ವಿವೇಕವತಾ ಮಯಾ ತತ್ಕರ್ತವ್ಯಮ್ ? ಇತ್ಯಾಶಂಕ್ಯಾಹ -

ಜನಕಾದಿಭಿರಿತಿ ।

ತೇ ತಾವತ್ ಏವಂ ಸಂಪಾದ್ಯ ಕರ್ಮ ಕೃತವಂತೋ, ನ ತದಿದಾನೀಮಪ್ರಾಮಾಣಿಕತ್ವಾದನುಷ್ಠೇಯಮ್ , ಇತ್ಯಾಶಂಕ್ಯಾಹ -

ಪೂರ್ವತರಮಿತಿ

॥ ೧೫ ॥