విజ్ఞానవతామపి కర్మాదివిషయే వ్యామోహోపపత్తేః, సుతరామేవ తవ తద్విషయే వ్యామోహసమ్భవాత్ , తదపోహార్థమాప్తవాక్యాపేక్షణాద్ , అస్తి కర్మణి వైషమ్యమ్ , ఇత్యుత్తరమాహ -
కిం కర్మేతి ।
‘తత్ తే కర్మ’ (భ. గీ. ౪-౧౬) ఇత్యత్ర అకారానుబన్ధేనాపి పదం ఛేత్తవ్యమ్ ।
కర్మాదిప్రవచనస్య ప్రయోజనమాహ -
యజ్జ్ఞాత్వేతి ।
తత్ కర్మాకర్మ చేతి సమ్బన్ధః । అతః మేధావినామపి యథోక్తే విషయే వ్యామోహస్య సత్త్వాదిత్యర్థః ।
॥ ౧౬ ॥