अद्वैतशारदा | दक्षिणाम्नाय श्रीशारदापीठम्, शृङ्गेरी

కర్మణో హ్యపి బోద్ధవ్యం బోద్ధవ్యం చ వికర్మణః ।
అకర్మణశ్చ బోద్ధవ్యం గహనా కర్మణో గతిః ॥ ౧౭ ॥

కర్మణః శాస్త్రవిహితస్య హి యస్మాత్ అపి అస్తి బోద్ధవ్యమ్ , బోద్ధవ్యం చ అస్త్యేవ వికర్మణః ప్రతిషిద్ధస్య, తథా అకర్మణశ్చ తూష్ణీమ్భావస్య బోద్ధవ్యమ్ అస్తి ఇతి త్రిష్వప్యధ్యాహారః కర్తవ్యః । యస్మాత్ గహనా విషమా దుర్జ్ఞేయా — కర్మణః ఇతి ఉపలక్షణార్థం కర్మాదీనామ్ — కర్మాకర్మవికర్మణాం గతిః యాథాత్మ్యం తత్త్వమ్ ఇత్యర్థః ॥ ౧౭ ॥

యస్మాదితి ; కర్మాదీనామితి ;

బోద్ధవ్యసద్భావే హేతుమాహ -

యస్మాదితి ।

త్రితయం ప్రకృత్య అన్యతమస్య గహనత్వవచనమయుక్తమిత్యాశఙ్క్య, అన్యతమగ్రహణస్యోపలక్షణార్థత్వముపేత్య, వివక్షితమర్థమాహ -

కర్మాదీనామితి

॥ ౧౭ ॥