ತತ್ರ ನಿಷ್ಠಾಪ್ರತಿಷ್ಠಾಯೈ ತದೇವ ಜ್ಞಾನಂ ಪುನರ್ವಿಶಿನಷ್ಟಿ -

ಯೇನೇತಿ ।

‘ಯಜ್ಜ್ಞಾತ್ವಾ’ ಇತ್ಯಯುಕ್ತಂ, ಜ್ಞಾನೇ ಜ್ಞಾನಾಯೋಗಾತ್ , ಇತ್ಯಾಶಂಕ್ಯ, ಪ್ರಾಪ್ತ್ಯರ್ಥತ್ವಮಧಿಪೂರ್ವಸ್ಯ ಗಮೇರಂಗೀಕೃತ್ಯ ವ್ಯಾಕರೋತಿ -

ಅಧಿಗಮ್ಯೇತಿ ।

ಇತಶ್ಚ ಆಚಾರ್ಯೋಪದೇಶಲಭ್ಯೇ ಜ್ಞಾನೇ ಫಲವತಿ ಪ್ರತಿಷ್ಠಾವತಾ ಭವಿತವ್ಯಮ್ , ಇತ್ಯಾಹ -

ಕಿಂಚೇತಿ ।

ಜೀವೇ ಚೇಶ್ವರೇ ಚೋಭಯತ್ರ ಭೂತಾನಾಂ ಪ್ರತಿಷ್ಠಿತತ್ವಪ್ರತಿನಿರ್ದೇಶೇ ಮೇದವಾದಾನುಮತಿಃ ಸ್ಯಾದ್ ? ಇತ್ಯಾಶಂಕ್ಯಾಹ -

ಕ್ಷೇತ್ರಜ್ಞೇತಿ ।

ಮೂಲಪ್ರಮಾಣಾಭಾವೇ ಕಥಂ ತದೇತ್ವದರ್ಶನಂ ಸ್ಯಾದ್ ? ಇತ್ಯಾಶಂಕ್ಯ ಆಹ -

ಸರ್ವೇತಿ

॥ ೩೫ ॥