ಶ್ರೀಮದ್ಭಗವದ್ಗೀತಾಭಾಷ್ಯಮ್
ಚತುರ್ಥೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಅಪಿ ಚೇದಸಿ ಪಾಪೇಭ್ಯಃ ಸರ್ವೇಭ್ಯಃ ಪಾಪಕೃತ್ತಮಃ ।
ಸರ್ವಂ ಜ್ಞಾನಪ್ಲವೇನೈವ ವೃಜಿನಂ ಸಂತರಿಷ್ಯಸಿ ॥ ೩೬ ॥
ಅಪಿ ಚೇತ್ ಅಸಿ ಪಾಪೇಭ್ಯಃ ಪಾಪಕೃದ್ಭ್ಯಃ ಸರ್ವೇಭ್ಯಃ ಅತಿಶಯೇನ ಪಾಪಕೃತ್ ಪಾಪಕೃತ್ತಮಃ ಸರ್ವಂ ಜ್ಞಾನಪ್ಲವೇನೈವ ಜ್ಞಾನಮೇವ ಪ್ಲವಂ ಕೃತ್ವಾ ವೃಜಿನಂ ವೃಜಿನಾರ್ಣವಂ ಪಾಪಸಮುದ್ರಂ ಸಂತರಿಷ್ಯಸಿ । ಧರ್ಮೋಽಪಿ ಇಹ ಮುಮುಕ್ಷೋಃ ಪಾಪಮ್ ಉಚ್ಯತೇ ॥ ೩೬ ॥
ಅಪಿ ಚೇದಸಿ ಪಾಪೇಭ್ಯಃ ಸರ್ವೇಭ್ಯಃ ಪಾಪಕೃತ್ತಮಃ ।
ಸರ್ವಂ ಜ್ಞಾನಪ್ಲವೇನೈವ ವೃಜಿನಂ ಸಂತರಿಷ್ಯಸಿ ॥ ೩೬ ॥
ಅಪಿ ಚೇತ್ ಅಸಿ ಪಾಪೇಭ್ಯಃ ಪಾಪಕೃದ್ಭ್ಯಃ ಸರ್ವೇಭ್ಯಃ ಅತಿಶಯೇನ ಪಾಪಕೃತ್ ಪಾಪಕೃತ್ತಮಃ ಸರ್ವಂ ಜ್ಞಾನಪ್ಲವೇನೈವ ಜ್ಞಾನಮೇವ ಪ್ಲವಂ ಕೃತ್ವಾ ವೃಜಿನಂ ವೃಜಿನಾರ್ಣವಂ ಪಾಪಸಮುದ್ರಂ ಸಂತರಿಷ್ಯಸಿ । ಧರ್ಮೋಽಪಿ ಇಹ ಮುಮುಕ್ಷೋಃ ಪಾಪಮ್ ಉಚ್ಯತೇ ॥ ೩೬ ॥

ಪಾಪಕಾರಿಭ್ಯಃ ಸರ್ವೇಭ್ಯಃ ಸಕಾಶಾತ್ ಅತಿಶಯೇನ ಪಾಪಕಾರಿತ್ವಮ್ ಏಕಸ್ಮಿನ್ ಅಸಂಭಾವಿತಮಪಿ ಜ್ಞಾನಮಾಹಾತ್ಮ್ಯಪ್ರಸಿದ್ಯರ್ಥಮಂಗೀಕೃತ್ಯ, ಬ್ರವೀತಿ -

ಅಪಿಚೇದಿತಿ ।

ಬ್ರಹ್ಮಾತ್ಮೈಕ್ಯಜ್ಞಾನಸ್ಯ ಸರ್ವಪಾಪನಿವರ್ತಕತ್ವೇನ ಮಾಹಾತ್ಮ್ಯಮ್ ಇದಾನೀಂ ಪ್ರಕಟಯತಿ -

ಸರ್ವಮಿತಿ ।

ಅಧರ್ಮೇ ನಿವೃತ್ತೇಽಪಿ ಧರ್ಮಪ್ರತಿಬಂಧಾತ್ ಜ್ಞಾನವತೋಽಪಿ ನ ಮೋಕ್ಷಃ ಸಂಭವತಿ ಇತ್ಯಾಶಂಕ್ಯ ಆಹ –

ಧರ್ಮೋಽಪೀತಿ ।

ಇಹೇತಿ ಅಧ್ಯಾತ್ಮಶಾಸ್ತ್ರಂ ಗೃಹ್ಯತೇ ॥ ೩೬ ॥