ಶ್ರೀಮದ್ಭಗವದ್ಗೀತಾಭಾಷ್ಯಮ್
ಚತುರ್ಥೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಅಜ್ಞಶ್ಚಾಶ್ರದ್ದಧಾನಶ್ಚ ಸಂಶಯಾತ್ಮಾ ವಿನಶ್ಯತಿ ।
ನಾಯಂ ಲೋಕೋಽಸ್ತಿ ನ ಪರೋ ನ ಸುಖಂ ಸಂಶಯಾತ್ಮನಃ ॥ ೪೦ ॥
ಅಜ್ಞಶ್ಚ ಅನಾತ್ಮಜ್ಞಶ್ಚ ಅಶ್ರದ್ದಧಾನಶ್ಚ ಗುರುವಾಕ್ಯಶಾಸ್ತ್ರೇಷು ಅವಿಶ್ವಾಸವಾಂಶ್ಚ ಸಂಶಯಾತ್ಮಾ ಚ ಸಂಶಯಚಿತ್ತಶ್ಚ ವಿನಶ್ಯತಿ । ಅಜ್ಞಾಶ್ರದ್ದಧಾನೌ ಯದ್ಯಪಿ ವಿನಶ್ಯತಃ, ನ ತಥಾ ಯಥಾ ಸಂಶಯಾತ್ಮಾ । ಸಂಶಯಾತ್ಮಾ ತು ಪಾಪಿಷ್ಠಃ ಸರ್ವೇಷಾಮ್ । ಕಥಮ್ ? ನಾಯಂ ಸಾಧಾರಣೋಽಪಿ ಲೋಕೋಽಸ್ತಿ । ತಥಾ ನ ಪರಃ ಲೋಕಃ । ನ ಸುಖಮ್ , ತತ್ರಾಪಿ ಸಂಶಯೋತ್ಪತ್ತೇಃ ಸಂಶಯಾತ್ಮನಃ ಸಂಶಯಚಿತ್ತಸ್ಯ । ತಸ್ಮಾತ್ ಸಂಶಯೋ ನ ಕರ್ತವ್ಯಃ ॥ ೪೦ ॥
ಅಜ್ಞಶ್ಚಾಶ್ರದ್ದಧಾನಶ್ಚ ಸಂಶಯಾತ್ಮಾ ವಿನಶ್ಯತಿ ।
ನಾಯಂ ಲೋಕೋಽಸ್ತಿ ನ ಪರೋ ನ ಸುಖಂ ಸಂಶಯಾತ್ಮನಃ ॥ ೪೦ ॥
ಅಜ್ಞಶ್ಚ ಅನಾತ್ಮಜ್ಞಶ್ಚ ಅಶ್ರದ್ದಧಾನಶ್ಚ ಗುರುವಾಕ್ಯಶಾಸ್ತ್ರೇಷು ಅವಿಶ್ವಾಸವಾಂಶ್ಚ ಸಂಶಯಾತ್ಮಾ ಚ ಸಂಶಯಚಿತ್ತಶ್ಚ ವಿನಶ್ಯತಿ । ಅಜ್ಞಾಶ್ರದ್ದಧಾನೌ ಯದ್ಯಪಿ ವಿನಶ್ಯತಃ, ನ ತಥಾ ಯಥಾ ಸಂಶಯಾತ್ಮಾ । ಸಂಶಯಾತ್ಮಾ ತು ಪಾಪಿಷ್ಠಃ ಸರ್ವೇಷಾಮ್ । ಕಥಮ್ ? ನಾಯಂ ಸಾಧಾರಣೋಽಪಿ ಲೋಕೋಽಸ್ತಿ । ತಥಾ ನ ಪರಃ ಲೋಕಃ । ನ ಸುಖಮ್ , ತತ್ರಾಪಿ ಸಂಶಯೋತ್ಪತ್ತೇಃ ಸಂಶಯಾತ್ಮನಃ ಸಂಶಯಚಿತ್ತಸ್ಯ । ತಸ್ಮಾತ್ ಸಂಶಯೋ ನ ಕರ್ತವ್ಯಃ ॥ ೪೦ ॥

ಅಜ್ಞಾತ್ ಅಶ್ರದ್ದಧಾನಾಚ್ಚ ಸಂಶಯಚಿತ್ತಸ್ಯ ವಿಶೇಷಮಾದರ್ಶಯತಿ -

ನಾಯಮಿತಿ ।

ದ್ವಿತೀಯವಿಭಾಗವಿಭಜನಾರ್ಥಂ ಭೂಮಿಕಾಂ ಕರೋತಿ -

ಅಜ್ಞೇತಿ ।

ಅಜ್ಞಾದೀನಾಂ ಮಧ್ಯೇ ಸಂಶಯಾತ್ಮಾನಃ ಯತ್ ಪಾಪಿಷ್ಠತ್ವಂ, ತತ್ ಪ್ರಶ್ನದ್ವಾರಾ ಪ್ರಕಟಯತಿ -

ಕಥಮಿತಿ ।

ಲೋಕದ್ವಯಸ್ಯ ತತ್ಪ್ರಯುಕ್ತಸುಖಸ್ಯ ಚ ಅಭಾವೇ ಹೇತುಮಾಹ -

ತತ್ರಾಪೀತಿ ।

ಸಂಶಯಚಿತ್ತಸ್ಯ ಸರ್ವತ್ರ ಸಂಶಯಪ್ರವೃತ್ತೇರ್ದುರ್ನಿವಾರತ್ವಾದಿತ್ಯರ್ಥಃ ।

ಸಂಶಯಸ್ಯಾನರ್ಥಮೂಲತ್ವೇ ಸ್ಥಿತೇ ಫಲಿತಮಾಹ -

ತಸ್ಮಾದಿತಿ

॥ ೪೦ ॥