ಶ್ರೀಮದ್ಭಗವದ್ಗೀತಾಭಾಷ್ಯಮ್
ಪಂಚಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಶ್ರೀಭಗವಾನುವಾಚ —
ಸಂನ್ಯಾಸಃ ಕರ್ಮಯೋಗಶ್ಚ ನಿಃಶ್ರೇಯಸಕರಾವುಭೌ ।
ತಯೋಸ್ತು ಕರ್ಮಸಂನ್ಯಾಸಾತ್ಕರ್ಮಯೋಗೋ ವಿಶಿಷ್ಯತೇ ॥ ೨ ॥
ಸಂನ್ಯಾಸಃ ಕರ್ಮಣಾಂ ಪರಿತ್ಯಾಗಃ ಕರ್ಮಯೋಗಶ್ಚ ತೇಷಾಮನುಷ್ಠಾನಂ ತೌ ಉಭೌ ಅಪಿ ನಿಃಶ್ರೇಯಸಕರೌ ಮೋಕ್ಷಂ ಕುರ್ವಾತೇ ಜ್ಞಾನೋತ್ಪತ್ತಿಹೇತುತ್ವೇನ । ಉಭೌ ಯದ್ಯಪಿ ನಿಃಶ್ರೇಯಸಕರೌ, ತಥಾಪಿ ತಯೋಸ್ತು ನಿಃಶ್ರೇಯಸಹೇತ್ವೋಃ ಕರ್ಮಸಂನ್ಯಾಸಾತ್ ಕೇವಲಾತ್ ಕರ್ಮಯೋಗೋ ವಿಶಿಷ್ಯತೇ ಇತಿ ಕರ್ಮಯೋಗಂ ಸ್ತೌತಿ ॥ ೨ ॥
ಶ್ರೀಭಗವಾನುವಾಚ —
ಸಂನ್ಯಾಸಃ ಕರ್ಮಯೋಗಶ್ಚ ನಿಃಶ್ರೇಯಸಕರಾವುಭೌ ।
ತಯೋಸ್ತು ಕರ್ಮಸಂನ್ಯಾಸಾತ್ಕರ್ಮಯೋಗೋ ವಿಶಿಷ್ಯತೇ ॥ ೨ ॥
ಸಂನ್ಯಾಸಃ ಕರ್ಮಣಾಂ ಪರಿತ್ಯಾಗಃ ಕರ್ಮಯೋಗಶ್ಚ ತೇಷಾಮನುಷ್ಠಾನಂ ತೌ ಉಭೌ ಅಪಿ ನಿಃಶ್ರೇಯಸಕರೌ ಮೋಕ್ಷಂ ಕುರ್ವಾತೇ ಜ್ಞಾನೋತ್ಪತ್ತಿಹೇತುತ್ವೇನ । ಉಭೌ ಯದ್ಯಪಿ ನಿಃಶ್ರೇಯಸಕರೌ, ತಥಾಪಿ ತಯೋಸ್ತು ನಿಃಶ್ರೇಯಸಹೇತ್ವೋಃ ಕರ್ಮಸಂನ್ಯಾಸಾತ್ ಕೇವಲಾತ್ ಕರ್ಮಯೋಗೋ ವಿಶಿಷ್ಯತೇ ಇತಿ ಕರ್ಮಯೋಗಂ ಸ್ತೌತಿ ॥ ೨ ॥

ಏವಂ ಪ್ರಶ್ನೇ ಪ್ರವೃತ್ತೇ ಕರ್ಮಯೋಗಸ್ಯ ಸೌಕರ್ಯಮಭಿಪ್ರೇತ್ಯ ಪ್ರಶಸ್ಯತರತ್ವಮಭಿಧಿತ್ಸುಃ ಭಗವಾನ್ ಪ್ರತಿವಚನಂ ಕಿಮುಕ್ತವಾನ್ ? ಇತ್ಯಾಶಂಕ್ಯ, ಆಹ -

ಸಂನ್ಯಾಸ ಇತಿ ।

ಉಭಯೋರಪಿ ತುಲ್ಯತ್ವಶಂಕಾಂ ವಾರಯತಿ -

ತಯೋಸ್ತ್ವಿತಿ ।

ಕಥಂ ತರ್ಹಿ ಜ್ಞಾನಸ್ಯೈವ ಮೋಕ್ಷೋಪಾಯತ್ವಂ ವಿವಕ್ಷ್ಯತೇ ? ತತ್ರಾಹ -

ಜ್ಞಾನೋತ್ಪತ್ತೀತಿ ।

ತರ್ಹಿ ದ್ವಯೋರಪಿ ಪ್ರಶಸ್ಯತ್ವಮ್ ಅಪ್ರಶಸ್ಯತ್ವಂ ವಾ ತುಲ್ಯಮ್ , ಇತ್ಯಾಶಂಕ್ಯ, ಆಹ –

ಉಭಾವಿತಿ ।

ಜ್ಞಾನಸಹಾಯಸ್ಯ ಕರ್ಮಸಂನ್ಯಾಸಸ್ಯ ಕರ್ಮಯೋಗಾಪೇಕ್ಷಯಾ ವಿಶಿಷ್ಟತ್ವವಿವಕ್ಷಯಾ ವಿಶಿನಷ್ಟಿ -

ಕೇವಲಾದಿತಿ

॥ ೨ ॥