ఎవం ప్రశ్నే ప్రవృత్తే కర్మయోగస్య సౌకర్యమభిప్రేత్య ప్రశస్యతరత్వమభిధిత్సుః భగవాన్ ప్రతివచనం కిముక్తవాన్ ? ఇత్యాశఙ్క్య, ఆహ -
సంన్యాస ఇతి ।
ఉభయోరపి తుల్యత్వశఙ్కాం వారయతి -
తయోస్త్వితి ।
కథం తర్హి జ్ఞానస్యైవ మోక్షోపాయత్వం వివక్ష్యతే ? తత్రాహ -
జ్ఞానోత్పత్తీతి ।
తర్హి ద్వయోరపి ప్రశస్యత్వమ్ అప్రశస్యత్వం వా తుల్యమ్ , ఇత్యాశఙ్క్య, ఆహ –
ఉభావితి ।
జ్ఞానసహాయస్య కర్మసంన్యాసస్య కర్మయోగాపేక్షయా విశిష్టత్వవివక్షయా విశినష్టి -
కేవలాదితి
॥ ౨ ॥