ಯಥಾ ಅನುಷ್ಠೀಯಮಾನಾನಿ ಕರ್ಮಾಣಿ ಸಂನ್ಯಾಸಿನಂ ನ ನಿಬಧ್ನಂತಿ, ಕೃತಾನಿ ಚ ವೈರಾಗ್ಯೇಂದ್ರಿಯಸಂಯಮಾದಿನಾ ನಿವರ್ತಂತೇ ; ತಥೈವ ಅನಭಿಸಂಹಿತಫಲಾನಿ ನಿತ್ಯನೈಮಿತ್ತಿಕಾನಿ ಯೋಗಿನಮಪಿ ನ ನಿಬಧ್ನಂತಿ, ನಿವರ್ತಯಂತಿ ಚ ಸಂಚಿತಂ ದುರಿತಮ್ , ಇತ್ಯಭಿಪ್ರೇತ್ಯ, ಆಹ -
ನಿರ್ದ್ವಂದ್ವೋ ಹೀತಿ ।
ಕರ್ಮಯೋಗಿನೋ ನಿತ್ಯಸಂನ್ಯಾಸಿತ್ವಜ್ಞಾನಮ್ ಅನ್ಯಥಾಜ್ಞಾನತ್ವಾತ್ ಮಿಥ್ಯಾಜ್ಞಾನಮ್ , ಇತ್ಯಾಶಂಕ್ಯ, ಆಹ -
ಏವಂವಿಧ ಇತಿ ।
ಕರ್ಮಿಣೋಽಪಿ ರಾಗದ್ವೇಷಾಭಾವೇನ ಸಂನ್ಯಾಸಿತ್ವಂ ಜ್ಞಾತುಮುಚಿತಮ್ ಇತ್ಯರ್ಥಃ ।
ರಾಗದ್ವೇಷರಹಿತಸ್ಯ ಅನಾಯಾಸೇನ ಬಂಧಪ್ರಧ್ವಂಸಸಿದ್ಧೇಶ್ಚ ಯುಕ್ತಂ ತಸ್ಯ ಸಂನ್ಯಾಸಿತ್ವಮ್ , ಇತ್ಯಾಹ -
ನಿರ್ದ್ವಂದ್ವ ಇತಿ
॥ ೩ ॥