கேசிதே³வ தயோரேகப²லத்வம் பஶ்யந்தி இத்யாஶங்ய, தேஷாமேவ ஸம்யக்³த³ர்ஶித்வம், நேதரேஷாம் , இத்யாஹ -
ஏகமிதி ।
திஷ்ட²த்யஸ்மிந் , ந ச்யவதே புந: இதி வ்யுத்பத்திமாஶ்ரித்ய ஆஹ -
மோக்ஷாக்²யமிதி ।
யோக³ஶப்³தா³ர்த²மாஹ -
ஜ்ஞாநப்ராப்தீதி ।
யே ஹி ஜிஜ்ஞாஸவ: ஸர்வாணி கர்மாணி ப⁴க³வத்ப்ரீத்யர்த²த்வேந தேஷாம் ப²லாபி⁴லாஷமக்ருத்வா ஜ்ஞாநப்ராப்தௌ பு³த்³தி⁴ஶுத்³தி⁴த்³வாரேண உபாயத்வேந அநுதிஷ்ட²ந்தி, தே அத்ர யோகா³: விவக்ஷ்யந்தே ।
அச்ப்ரத்யயஸ்ய மத்வர்த²த்வம் க்³ருஹீத்வா, உக்தம் -
யோகி³ந இதி ।
ஸர்வோ(அ)பி த்³வைதப்ரபஞ்சோ ந வஸ்துபூ⁴த:, மாயாவிலாஸத்வாத் , ஆத்மா து, அவிக்ரியோ அத்³விதீயோ வஸ்துஸந் இதி ப்ரயோஜகஜ்ஞாநம் பரமார்த²ஜ்ஞாநம், தத்பூர்வகஸம்ந்யாஸத்³வாரேண கர்மிபி⁴ரபி ததே³வ ஸ்தா²நம் ப்ராப்யாம் , இத்யேகப²லத்வம் ஸம்ந்யாஸகர்மயோக³யோ: அவிருத்³த⁴ம், இத்யாஹ -
தைரபீதி ।
ப²லைகத்வே ப²லிதமாஹ -
அத இதி
॥ 5 ॥