ಸಾರ್ಧಂ ಸಮನಂತರಶ್ಲೋಕಮ್ ಆಕಾಂಕ್ಷಾಪೂರ್ವಕಮ್ ಉತ್ಥಾಪಯತಿ -

ಕದೇತ್ಯಾದಿನಾ ।

ಚಕ್ಷುರಾದಿಜ್ಞಾನೇಂದ್ರಿಯೈಃ ವಾಗಾದಿಕರ್ಮೇಂದ್ರಿಯೈಃ ಪ್ರಾಣಾದಿವಾಯುಭೇದೈಃ ಅಂತಃಕರಣಚತುಷ್ಟಯೇನ ಚ ತತ್ತಚ್ಚೇಷ್ಟಾನಿರ್ವರ್ತನಾವಸ್ಥಾಯಾಂ ತತ್ತದರ್ಥೇಷು ಸರ್ವಾ ಪ್ರವೃತ್ತಿಃ ಇಂದ್ರಿಯಾಣಾಮೇವ, ಇತ್ಯನುಸಂದಧಾನಃ ನೈವ ಕಿಂಚಿತ್ಕರೋಮೀತಿ ವಿದ್ವಾನ್ ಪ್ರತಿಪದ್ಯತೇ, ಇತ್ಯರ್ಥಃ ।

ಯಥೋಕ್ತಸ್ಯ ವಿದುಷಃ ವಿಧ್ಯಭಾವೇಽಪಿ ವಿದ್ಯಾಸಾಮರ್ಥ್ಯಾತ್ ಪ್ರತಿಪತ್ತಿಕರ್ಮಭೂತಂ ಕರ್ಮಸಂನ್ಯಾಸಂ ಫಲಾತ್ಮಕಮ್ ಅಭಿಲಷತಿ -

ಯಸ್ಯೇತಿ ।

ಅಜ್ಞಸ್ಯೇವ ವಿದುಷೋಽಪಿ ಕರ್ಮಸು ಪ್ರವೃತ್ತಿಸಂಭವಾತ್ , ಕುತಃ ಸಂನ್ಯಾಸೇ ಅಧಿಕಾರಃ ಸ್ಯಾದ್ ? ಇತ್ಯಾಶಂಕ್ಯ, ಆಹ -

ನಹೀತಿ

॥ ೯ ॥