సార్ధం సమనన్తరశ్లోకమ్ ఆకాఙ్క్షాపూర్వకమ్ ఉత్థాపయతి -
కదేత్యాదినా ।
చక్షురాదిజ్ఞానేన్ద్రియైః వాగాదికర్మేన్ద్రియైః ప్రాణాదివాయుభేదైః అన్తఃకరణచతుష్టయేన చ తత్తచ్చేష్టానిర్వర్తనావస్థాయాం తత్తదర్థేషు సర్వా ప్రవృత్తిః ఇన్ద్రియాణామేవ, ఇత్యనుసన్దధానః నైవ కిఞ్చిత్కరోమీతి విద్వాన్ ప్రతిపద్యతే, ఇత్యర్థః ।
యథోక్తస్య విదుషః విధ్యభావేఽపి విద్యాసామర్థ్యాత్ ప్రతిపత్తికర్మభూతం కర్మసంన్యాసం ఫలాత్మకమ్ అభిలషతి -
యస్యేతి ।
అజ్ఞస్యేవ విదుషోఽపి కర్మసు ప్రవృత్తిసమ్భవాత్ , కుతః సంన్యాసే అధికారః స్యాద్ ? ఇత్యాశఙ్క్య, ఆహ -
నహీతి
॥ ౯ ॥