యుక్తః కర్మఫలం త్యక్త్వా
శాన్తిమాప్నోతి నైష్ఠికీమ్ ।
అయుక్తః కామకారేణ
ఫలే సక్తో నిబధ్యతే ॥ ౧౨ ॥
యుక్తః ‘ఈశ్వరాయ కర్మాణి కరోమి న మమ ఫలాయ’ ఇత్యేవం సమాహితః సన్ కర్మఫలం త్యక్త్వా పరిత్యజ్య శాన్తిం మోక్షాఖ్యామ్ ఆప్నోతి నైష్ఠికీం నిష్ఠాయాం భవాం సత్త్వశుద్ధిజ్ఞానప్రాప్తిసర్వకర్మసంన్యాసజ్ఞాననిష్ఠాక్రమేణేతి వాక్యశేషః । యస్తు పునః అయుక్తః అసమాహితః కామకారేణ కరణం కారః కామస్య కారః కామకారః తేన కామకారేణ, కామప్రేరితతయేత్యర్థః, ‘మమ ఫలాయ ఇదం కరోమి కర్మ’ ఇత్యేవం ఫలే సక్తః నిబధ్యతే । అతః త్వం యుక్తో భవ ఇత్యర్థః ॥ ౧౨ ॥
యుక్తః కర్మఫలం త్యక్త్వా
శాన్తిమాప్నోతి నైష్ఠికీమ్ ।
అయుక్తః కామకారేణ
ఫలే సక్తో నిబధ్యతే ॥ ౧౨ ॥
యుక్తః ‘ఈశ్వరాయ కర్మాణి కరోమి న మమ ఫలాయ’ ఇత్యేవం సమాహితః సన్ కర్మఫలం త్యక్త్వా పరిత్యజ్య శాన్తిం మోక్షాఖ్యామ్ ఆప్నోతి నైష్ఠికీం నిష్ఠాయాం భవాం సత్త్వశుద్ధిజ్ఞానప్రాప్తిసర్వకర్మసంన్యాసజ్ఞాననిష్ఠాక్రమేణేతి వాక్యశేషః । యస్తు పునః అయుక్తః అసమాహితః కామకారేణ కరణం కారః కామస్య కారః కామకారః తేన కామకారేణ, కామప్రేరితతయేత్యర్థః, ‘మమ ఫలాయ ఇదం కరోమి కర్మ’ ఇత్యేవం ఫలే సక్తః నిబధ్యతే । అతః త్వం యుక్తో భవ ఇత్యర్థః ॥ ౧౨ ॥