ಶ್ರೀಮದ್ಭಗವದ್ಗೀತಾಭಾಷ್ಯಮ್
ಪಂಚಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಯೋಽಂತಃಸುಖೋಽಂತರಾರಾಮಸ್ತಥಾಂತರ್ಜ್ಯೋತಿರೇವ ಯಃ ।
ಸ ಯೋಗೀ ಬ್ರಹ್ಮನಿರ್ವಾಣಂ ಬ್ರಹ್ಮಭೂತೋಽಧಿಗಚ್ಛತಿ ॥ ೨೪ ॥
ಯಃ ಅಂತಃಸುಖಃ ಅಂತಃ ಆತ್ಮನಿ ಸುಖಂ ಯಸ್ಯ ಸಃ ಅಂತಃಸುಖಃ, ತಥಾ ಅಂತರೇವ ಆತ್ಮನಿ ಆರಾಮಃ ಆರಮಣಂ ಕ್ರೀಡಾ ಯಸ್ಯ ಸಃ ಅಂತರಾರಾಮಃ, ತಥಾ ಏವ ಅಂತಃ ಏವ ಆತ್ಮನ್ಯೇವ ಜ್ಯೋತಿಃ ಪ್ರಕಾಶೋ ಯಸ್ಯ ಸಃ ಅಂತರ್ಜ್ಯೋತಿರೇವ, ಯಃ ಈದೃಶಃ ಸಃ ಯೋಗೀ ಬ್ರಹ್ಮನಿರ್ವಾಣಂ ಬ್ರಹ್ಮಣಿ ನಿರ್ವೃತಿಂ ಮೋಕ್ಷಮ್ ಇಹ ಜೀವನ್ನೇವ ಬ್ರಹ್ಮಭೂತಃ ಸನ್ ಅಧಿಗಚ್ಛತಿ ಪ್ರಾಪ್ನೋತಿ ॥ ೨೪ ॥
ಯೋಽಂತಃಸುಖೋಽಂತರಾರಾಮಸ್ತಥಾಂತರ್ಜ್ಯೋತಿರೇವ ಯಃ ।
ಸ ಯೋಗೀ ಬ್ರಹ್ಮನಿರ್ವಾಣಂ ಬ್ರಹ್ಮಭೂತೋಽಧಿಗಚ್ಛತಿ ॥ ೨೪ ॥
ಯಃ ಅಂತಃಸುಖಃ ಅಂತಃ ಆತ್ಮನಿ ಸುಖಂ ಯಸ್ಯ ಸಃ ಅಂತಃಸುಖಃ, ತಥಾ ಅಂತರೇವ ಆತ್ಮನಿ ಆರಾಮಃ ಆರಮಣಂ ಕ್ರೀಡಾ ಯಸ್ಯ ಸಃ ಅಂತರಾರಾಮಃ, ತಥಾ ಏವ ಅಂತಃ ಏವ ಆತ್ಮನ್ಯೇವ ಜ್ಯೋತಿಃ ಪ್ರಕಾಶೋ ಯಸ್ಯ ಸಃ ಅಂತರ್ಜ್ಯೋತಿರೇವ, ಯಃ ಈದೃಶಃ ಸಃ ಯೋಗೀ ಬ್ರಹ್ಮನಿರ್ವಾಣಂ ಬ್ರಹ್ಮಣಿ ನಿರ್ವೃತಿಂ ಮೋಕ್ಷಮ್ ಇಹ ಜೀವನ್ನೇವ ಬ್ರಹ್ಮಭೂತಃ ಸನ್ ಅಧಿಗಚ್ಛತಿ ಪ್ರಾಪ್ನೋತಿ ॥ ೨೪ ॥

ಯಥಾ ಅಂತರೇವ ಸುಖಂ ನ ಬಾಹ್ಯವಿಷಯೈಃ, ತಥಾ ಅಂತರೇವ ಜ್ಯೋತಿರ್ನ ಶ್ರೋತ್ರಾದಿಭಿಃ । ಅತೋ ವಿಷಯಾಂತರವಿಜ್ಞಾನರಹಿತಃ, ಇತ್ಯಾಹ -

ತಥೇತಿ ।

ಯಥೋಕ್ತವಿಶೇಷಣಸಮಾಧಿಮಾನ್ ಜೀವನ್ನೇವ ಮುಕ್ತಿಮಧಿಗಚ್ಛತಿ, ಇತ್ಯಾಹ -

ಸ ಯೋಗೀತಿ ।

ಆತ್ಮನಿ ಅಂತಃ - ಸುಖಮಿತಿ ವಾಹ್ಯವಿಷಯನಿರಪೇಕ್ಷತ್ವಂ ವಿವಕ್ಷಿತಮ್ । ಅಂತರಾರಾಮತ್ವಂ ಚ ಸ್ತ್ರ್ಯಾದಿವಿಷಯಾಪೇಕ್ಷಾಮಾಂತರೇಣ ಕ್ರೀಡಾಪ್ರಯುಕ್ತಫಲಭಾಕ್ತ್ವಮ್ ಮತಮ್ । ಇಂದ್ರಿಯಾದಿಜನ್ಯಪ್ರಕಾಶಶೂನ್ಯತ್ವಮ್ ಆತ್ಮಜ್ಯೋತಿಷ್ಟ್ವಮ್ ಇಷ್ಟಮ್ । ಯಥೋಕ್ತವಿಶೇಷಣಸಂಪನ್ನಃ ಸಮಾಹಿತಶ್ಚ ಜೀವನ್ನೇವ ಬ್ರಹ್ಮಭಾವಂ ಪ್ರಾಪ್ನೋತಿ ।

ಬ್ರಹ್ಮಣಿ ಪರಿಪೂರ್ಣೇ ನಿರ್ವೃತಿಂ - ಸರ್ವಾನರ್ಥನಿವೃತ್ತ್ಯುಪಲಕ್ಷಿತಾಂ ಸ್ಥಿತಿಮನತಿಶಯಾನಂದಾವಿರ್ಭಾವಲಕ್ಷಣಾಂ, ಪ್ರಾಪ್ನೋತಿ, ಇತ್ಯಾಹ -

ಯ ಈದೃಶ ಇತಿ

॥ ೨೪ ॥