ಶ್ರೀಮದ್ಭಗವದ್ಗೀತಾಭಾಷ್ಯಮ್
ಪಂಚಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಲಭಂತೇ ಬ್ರಹ್ಮನಿರ್ವಾಣಮೃಷಯಃ ಕ್ಷೀಣಕಲ್ಮಷಾಃ ।
ಛಿನ್ನದ್ವೈಧಾ ಯತಾತ್ಮಾನಃ ಸರ್ವಭೂತಹಿತೇ ರತಾಃ ॥ ೨೫ ॥
ಲಭಂತೇ ಬ್ರಹ್ಮನಿರ್ವಾಣಂ ಮೋಕ್ಷಮ್ ಋಷಯಃ ಸಮ್ಯಗ್ದರ್ಶಿನಃ ಸಂನ್ಯಾಸಿನಃ ಕ್ಷೀಣಕಲ್ಮಷಾಃ ಕ್ಷೀಣಪಾಪಾಃ ನಿರ್ದೋಷಾಃ ಛಿನ್ನದ್ವೈಧಾಃ ಛಿನ್ನಸಂಶಯಾಃ ಯತಾತ್ಮಾನಃ ಸಂಯತೇಂದ್ರಿಯಾಃ ಸರ್ವಭೂತಹಿತೇ ರತಾಃ ಸರ್ವೇಷಾಂ ಭೂತಾನಾಂ ಹಿತೇ ಆನುಕೂಲ್ಯೇ ರತಾಃ ಅಹಿಂಸಕಾ ಇತ್ಯರ್ಥಃ ॥ ೨೫ ॥
ಲಭಂತೇ ಬ್ರಹ್ಮನಿರ್ವಾಣಮೃಷಯಃ ಕ್ಷೀಣಕಲ್ಮಷಾಃ ।
ಛಿನ್ನದ್ವೈಧಾ ಯತಾತ್ಮಾನಃ ಸರ್ವಭೂತಹಿತೇ ರತಾಃ ॥ ೨೫ ॥
ಲಭಂತೇ ಬ್ರಹ್ಮನಿರ್ವಾಣಂ ಮೋಕ್ಷಮ್ ಋಷಯಃ ಸಮ್ಯಗ್ದರ್ಶಿನಃ ಸಂನ್ಯಾಸಿನಃ ಕ್ಷೀಣಕಲ್ಮಷಾಃ ಕ್ಷೀಣಪಾಪಾಃ ನಿರ್ದೋಷಾಃ ಛಿನ್ನದ್ವೈಧಾಃ ಛಿನ್ನಸಂಶಯಾಃ ಯತಾತ್ಮಾನಃ ಸಂಯತೇಂದ್ರಿಯಾಃ ಸರ್ವಭೂತಹಿತೇ ರತಾಃ ಸರ್ವೇಷಾಂ ಭೂತಾನಾಂ ಹಿತೇ ಆನುಕೂಲ್ಯೇ ರತಾಃ ಅಹಿಂಸಕಾ ಇತ್ಯರ್ಥಃ ॥ ೨೫ ॥

ಯಜ್ಞಾದಿನಿತ್ಯಕರ್ಮಾನುಷ್ಠಾನಾತ್ ಪಾಪಾದಿಲಕ್ಷಣಂ ಕಲ್ಮಷಂ ಕ್ಷೀಯತೇ, ತತಶ್ಚ ಶ್ರವಣಾದ್ಯಾವೃತ್ತೇಃ ಸಮ್ಯಗ್ದರ್ಶನಂ ಜಾಯತೇ ತತೋ ಮುಕ್ತಿರಪ್ರಯತ್ನೇನ ಭವತಿ, ಇತ್ಯಾಹ -

ಲಭಂತ ಇತಿ ।

ಜ್ಞಾನಪ್ರಾಪ್ತ್ಯುಪಾಯಾಂತರಂ ದರ್ಶಯತಿ -

ಛಿನ್ನೇತಿ ।

ಶ್ರವಣಾದಿನಾ ಸಂಶಯನಿರಸನಂ ಕಾರ್ಯಕರಣನಿಯಮನಂ ಚ, ದಯಾಲುತ್ವೇನ ಅಹಿಂಸಕತ್ವಮ್ ಇತ್ಯೇತದಪಿ ಸಮ್ಯಗ್ಜ್ಞಾನಪ್ರಾಪ್ತೌ ಕಾರಣಮಿತ್ಯರ್ಥಃ । ಅಕ್ಷರವ್ಯಾಸ್ವ್ಯಾನಂ ಸ್ಪಷ್ಟತ್ವಾತ್ ನ ವ್ಯಾಖ್ಯಾಯತೇ ॥ ೨೫ ॥