యజ్ఞాదినిత్యకర్మానుష్ఠానాత్ పాపాదిలక్షణం కల్మషం క్షీయతే, తతశ్చ శ్రవణాద్యావృత్తేః సమ్యగ్దర్శనం జాయతే తతో ముక్తిరప్రయత్నేన భవతి, ఇత్యాహ -
లభన్త ఇతి ।
జ్ఞానప్రాప్త్యుపాయాన్తరం దర్శయతి -
ఛిన్నేతి ।
శ్రవణాదినా సంశయనిరసనం కార్యకరణనియమనం చ, దయాలుత్వేన అహింసకత్వమ్ ఇత్యేతదపి సమ్యగ్జ్ఞానప్రాప్తౌ కారణమిత్యర్థః । అక్షరవ్యాస్వ్యానం స్పష్టత్వాత్ న వ్యాఖ్యాయతే ॥ ౨౫ ॥