ಏಕಸ್ಯೈವ ಆತ್ಮನೋ ಮಿಥೋ ವಿರುದ್ಧಂ ಬಂಧುತ್ವಂ ರಿಪುತ್ವಂ ಚ ಲಕ್ಷಣಭೇದಮ್ ಅಂತರೇಣ ಅಯುಕ್ತಮ್ , ಇತಿ ಚೋದಿತೇ, ವಶೀಕೃತ ಸಂಘಾತಸ್ಯ ಆತ್ಮಾನಂ ಪ್ರತಿ ಬಂಧುತ್ವಮ್ , ಇತರಸ್ಯ ಶತ್ರತ್ವಮ್ , ಅವಿರೋಧಂ ದರ್ಶಯತಿ -

ಬಂಧುರಿತ್ಯಾದಿನಾ ।

ವಶೀಕೃತಸಂಘಾತಸ್ಯ ವಿಕ್ಷೇಪಾಭಾವಾತ್ ಆತ್ಮನಿ ಸಮಾಧಾನಸಂಭವಾತ್ , ಉಪಪನ್ನಮ್  ಆತ್ಮಾನಂ ಪ್ರತಿ ಬಂಧುತ್ವಮ್ , ಇತಿ ಸಾಧಯತಿ -

ತಸ್ಯೇತಿ ।

ಅವಶೀಕೃತಸಂಘಾತಸ್ಯ ಪುನರ್ವಿಕ್ಷೇಪೋಪಪತ್ತೇಃ ಆತ್ಮನಿ ಸಮಾಧಾನಾಯೋಗಾತ್ ಆತ್ಮಾನಂ ಪ್ರತಿ ಶತ್ರುಭಾವೇ ಪ್ರಸಿದ್ಧಶತ್ರುವತ್ ಆತ್ಮೈವ ಶತ್ರುತ್ವೇನ ವರ್ತೇತ, ಇತಿ ಉತ್ತರಾರ್ಧಂ ವ್ಯಾಕರೋತಿ -

ಅನಾತ್ಮನ ಇತಿ ।

ದೃಷ್ಟಾಂತಂ ವ್ಯಾಚಷ್ಟೇ -

ಯಥೇತಿ ।

ಉಕ್ತದೃಷ್ಟಾಂತವಶಾತ್ ಅವಶೋಕೃತಸಂಘಾತಃ ಸ್ವಸ್ಯ ಹಿತಾನಾಚರಣಾತ್ ಆತ್ಮಾನಂ ಪ್ರತಿ ಶತ್ರುರೇವ, ಇತಿ ದಾರ್ಷ್ಟಾಂತಿಕಮ್ ಆಹ -

ತಥೇತಿ

॥ ೬ ॥