పదచ్ఛేదః పదార్థోక్తిః ఇతి వ్యాఖ్యానాఙ్గం సమ్పాదయతి -

సుహృదితీతి ।

అరిర్నామ పరోక్షమ్ అపకారకః, ప్రత్యక్షమ్  అప్రియో ద్వేష్యః, ఇతి విభాగః । సమబుద్ధిః ఇతి వ్యాచష్టే -

కః కిమితి ।

ప్రథమో హి ప్రశ్నో జాతిగోత్రాదివిషయః, ద్వితీయో వ్యాపారవిషయః । ఉక్తప్రకారేణ అవ్యాపృతబుద్ధిత్వే సర్వోత్కర్షో వా సర్వపాపవిమోక్షో వా సిధ్యతి, ఇత్యాహ -

విశిష్యత ఇతి ।

పాఠద్వయేఽపి సిద్ధమ్ అర్థం సఙ్గృహ్య కథయతి -

యోగారూఢానామితి

॥ ౯ ॥