आदरनैरन्तर्यदीर्घकालत्वं विशेषणत्रयं योगस्य सूचयति -
सततमिति ।
तस्यैव पञ्च अङ्गानि उपन्यस्यति -
रहसि इत्यादिना ।
सर्वदा इति आदरदीर्धकालयोः उपलक्षणम् ।
प्रत्यगात्मानं व्यावर्तयति -
अन्तःकरणमिति ।
गिरिगुहादौ इति आदिशब्देन योगप्रतिबन्धकदुर्जनादिविधुरो देशो गृह्यते ।
विशेषणद्वयस्य तात्पर्यम् आह -
रहसीति ।
योगं युञ्जानस्य संन्यासिनो विशेषणान्तराणि दर्शयति -
यतेति ।
सति संन्यासित्वे किमिति अपरिग्रहग्रहणम् ? अर्थपुनरुक्तेः, इत्याशङ्क्य कौपीनाच्छादनादिष्वपि सक्तिनिवृत्त्यर्थम् , इत्याह -
संन्यासित्वेऽपीति
॥ १० ॥