ಶ್ರೀಮದ್ಭಗವದ್ಗೀತಾಭಾಷ್ಯಮ್
ಷಷ್ಠೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಯಂ ಲಬ್ಧ್ವಾ ಚಾಪರಂ ಲಾಭಂ ಮನ್ಯತೇ ನಾಧಿಕಂ ತತಃ ।
ಯಸ್ಮಿನ್ಸ್ಥಿತೋ ನ ದುಃಖೇನ ಗುರುಣಾಪಿ ವಿಚಾಲ್ಯತೇ ॥ ೨೨ ॥
ಯಂ ಲಬ್ಧ್ವಾ ಯಮ್ ಆತ್ಮಲಾಭಂ ಲಬ್ಧ್ವಾ ಪ್ರಾಪ್ಯ ಚ ಅಪರಮ್ ಅನ್ಯತ್ ಲಾಭಂ ಲಾಭಾಂತರಂ ತತಃ ಅಧಿಕಮ್ ಅಸ್ತೀತಿ ನ ಮನ್ಯತೇ ನ ಚಿಂತಯತಿ । ಕಿಂಚ, ಯಸ್ಮಿನ್ ಆತ್ಮತತ್ತ್ವೇ ಸ್ಥಿತಃ ದುಃಖೇನ ಶಸ್ತ್ರನಿಪಾತಾದಿಲಕ್ಷಣೇನ ಗುರುಣಾ ಮಹತಾ ಅಪಿ ನ ವಿಚಾಲ್ಯತೇ ॥ ೨೨ ॥
ಯಂ ಲಬ್ಧ್ವಾ ಚಾಪರಂ ಲಾಭಂ ಮನ್ಯತೇ ನಾಧಿಕಂ ತತಃ ।
ಯಸ್ಮಿನ್ಸ್ಥಿತೋ ನ ದುಃಖೇನ ಗುರುಣಾಪಿ ವಿಚಾಲ್ಯತೇ ॥ ೨೨ ॥
ಯಂ ಲಬ್ಧ್ವಾ ಯಮ್ ಆತ್ಮಲಾಭಂ ಲಬ್ಧ್ವಾ ಪ್ರಾಪ್ಯ ಚ ಅಪರಮ್ ಅನ್ಯತ್ ಲಾಭಂ ಲಾಭಾಂತರಂ ತತಃ ಅಧಿಕಮ್ ಅಸ್ತೀತಿ ನ ಮನ್ಯತೇ ನ ಚಿಂತಯತಿ । ಕಿಂಚ, ಯಸ್ಮಿನ್ ಆತ್ಮತತ್ತ್ವೇ ಸ್ಥಿತಃ ದುಃಖೇನ ಶಸ್ತ್ರನಿಪಾತಾದಿಲಕ್ಷಣೇನ ಗುರುಣಾ ಮಹತಾ ಅಪಿ ನ ವಿಚಾಲ್ಯತೇ ॥ ೨೨ ॥

ಆತ್ಮಲಾಭಾತ್ ನ ಪರಂ ವಿದ್ಯತೇ, ಇತಿ ಸ್ಮೃತ್ವಾ ವ್ಯಾಚಷ್ಟೇ -

ಯಮ್ ಆತ್ಮಲಾಭಮಿತಿ ।

ಲಾಭಾಂತರಮ್ - ಪುರುಷಾರ್ಥಭೂತಮ್ , ತತಃ - ತಸ್ಮಾತ್ , ಆತ್ಮಲಾಭಾದಿತಿ ಯಾವತ್ । ತಂ ವಿದ್ಯಾತ್ ಇತಿ ಉತ್ತರತ್ರ ಸಂಬಂಧಃ ।

ಯಸ್ಮಿನ್ ಇತ್ಯಾದ್ಯವತಾರಯತಿ -

ಕಿಂಚೇತಿ ।

ಅಪರಿಪಕ್ವಯೋಗೋ ಯಥಾ ದರ್ಶಿತೇನ ದುಃಖೇನ ಪ್ರಚ್ಯಾವ್ಯತೇ ನ ಚೈವಂ ವಿಚಾಲ್ಯತೇ ಯಸ್ಮಿನ್ ಸ್ಥಿತೋ ಯೋಗೀ, ತಂ ಯೋಗಂ ವಿದ್ಯಾತ್ , ಇತಿ ಪೂರ್ವವತ್

॥ ೨೨ ॥