దుఃఖసంయోగస్య వియోగః వియోగసంజ్ఞితో యుజ్యతే, స కథం యోగసంజ్ఞితః స్యాత్ ? ఇత్యాశఙ్క్య, ఆహ -
విపరీతేతి ।
ఇయం హి యోగావస్థా సముత్ఖాతనిఖిలదుఃఖభేదా, ఇతి దుఃఖసంయోగభావో యోగసంజ్ఞామ్ అర్హతి, ఇత్యర్థః ।
ఉపసంహృతే యోగఫలే కిమితి పునః యోగస్య కర్తవ్యత్వమ్ ఉచ్యతే ? తత్ర ఆహ -
యోగఫలమితి ।
ప్రకారాన్తరేణ యోగస్య కర్తవ్యత్వోపదేశారమ్భః అత్ర అన్వారమ్భః ।
యోగం యుఞ్జానః తత్క్షణాత్ ఉక్తాం సంసిద్ధిం అలభమానః సంశయానో నివర్తేత ఇతి, తన్నివృత్త్యర్థం పునః కర్తవ్యోపదేశః అర్థవాన్ , ఇతి మత్వా, ఆహ -
నిశ్చయేతి ।
తయోః సాధానవిధానమేవ అక్షరయోజనయా సాధయతి -
స యథేతి ।
ఇహ జన్మని జన్మాన్తరే వా సేత్స్యతి, ఇతి అధ్యవసాయేన యోక్తవ్యః - కర్తవ్యః
॥ ౨౩ ॥