చఞ్చలం హి మనః కృష్ణ ప్రమాథి బలవద్దృఢమ్ ।
తస్యాహం నిగ్రహం మన్యే వాయోరివ సుదుష్కరమ్ ॥ ౩౪ ॥
చఞ్చలం హి మనః । కృష్ణ ఇతి కృషతేః విలేఖనార్థస్య రూపమ్ । భక్తజనపాపాదిదోషాకర్షణాత్ కృష్ణః, తస్య సమ్బుద్ధిః హే కృష్ణ । హి యస్మాత్ మనః చఞ్చలం న కేవలమత్యర్థం చఞ్చలమ్ , ప్రమాథి చ ప్రమథనశీలమ్ , ప్రమథ్నాతి శరీరమ్ ఇన్ద్రియాణి చ విక్షిపత్ సత్ పరవశీకరోతి । కిఞ్చ — బలవత్ ప్రబలమ్ , న కేనచిత్ నియన్తుం శక్యమ్ , దుర్నివారత్వాత్ । కిఞ్చ — దృఢం తన్తునాగవత్ అచ్ఛేద్యమ్ । తస్య ఎవంభూతస్య మనసః అహం నిగ్రహం నిరోధం మన్యే వాయోరివ యథా వాయోః దుష్కరో నిగ్రహః తతోఽపి దుష్కరం మన్యే ఇత్యభిప్రాయః ॥ ౩౪ ॥
చఞ్చలం హి మనః కృష్ణ ప్రమాథి బలవద్దృఢమ్ ।
తస్యాహం నిగ్రహం మన్యే వాయోరివ సుదుష్కరమ్ ॥ ౩౪ ॥
చఞ్చలం హి మనః । కృష్ణ ఇతి కృషతేః విలేఖనార్థస్య రూపమ్ । భక్తజనపాపాదిదోషాకర్షణాత్ కృష్ణః, తస్య సమ్బుద్ధిః హే కృష్ణ । హి యస్మాత్ మనః చఞ్చలం న కేవలమత్యర్థం చఞ్చలమ్ , ప్రమాథి చ ప్రమథనశీలమ్ , ప్రమథ్నాతి శరీరమ్ ఇన్ద్రియాణి చ విక్షిపత్ సత్ పరవశీకరోతి । కిఞ్చ — బలవత్ ప్రబలమ్ , న కేనచిత్ నియన్తుం శక్యమ్ , దుర్నివారత్వాత్ । కిఞ్చ — దృఢం తన్తునాగవత్ అచ్ఛేద్యమ్ । తస్య ఎవంభూతస్య మనసః అహం నిగ్రహం నిరోధం మన్యే వాయోరివ యథా వాయోః దుష్కరో నిగ్రహః తతోఽపి దుష్కరం మన్యే ఇత్యభిప్రాయః ॥ ౩౪ ॥