ಇದಂ - ಅಪರೋಕ್ಷಂ ಜ್ಞಾನಂ ಚೈತನ್ಯಮ್ । ತಸ್ಯ ಸವಿಜ್ಞಾನಸ್ಯ ಪ್ರತಿಲಂಭೇ ಕಿಂ ಸ್ಯಾತ್? ಇತ್ಯಾಶಂಕ್ಯ, ಆಹ -

ಯಜ್ಜ್ಞಾತ್ವೇತಿ ।

ಇದಮಾ ಚೈತನ್ಯಸ್ಯ ಪರೋಕ್ಷತ್ವಂ ವ್ಯಾವರ್ತ್ಯತೇ । ತದೇವ ಸವಿಜ್ಞಾನಮಿತಿ ವಿಶೇಷಣೇನ ಸ್ಫುಟಯತಿ ।

ಅನವಶೇಷೇಣ ತದ್ವೇದನಫಲೋಪನ್ಯಾಸೇನ ಶ್ರೋತಾರಂ ತಚ್ಛ್ರವಣಪ್ರವಣಂ ಕರೋತಿ -

ತದ್ಜ್ಞಾನಮಿತಿ ।

ಏಕವಿಜ್ಞಾನೇನ ಸರ್ವವಿಜ್ಞಾನಶ್ರುತಿಮಾಶ್ರಿತ್ಯ ಉತ್ತರಾರ್ಧತಾತ್ಪರ್ಯಮಾಹ -

ಯದ್ಜ್ಞಾತ್ವೇತಿ ।

ಭಗವತ್ತತ್ತ್ವಜ್ಞಾನಸ್ಯ ವಿಶಿಷ್ಟಫಲತ್ವಮುಕ್ತ್ವಾ ಫಲಿತಮಾಹ -

ಅತ ಇತಿ

॥ ೨ ॥