உக்தப்ரக்ருதித்³வயே கார்யலிங்க³கம் அநுமாநம் ப்ரமாணயதி -
ஏதத்³யோநீநீதி ।
ப்ரக்ருதித்³வயஸ்ய ஜக³த்காரணத்வே கத²ம் ஈஶ்வரஸ்ய ஜக³த்காரணத்வம் தது³பக³த³தம்? இத்யாஶங்க்ய ஆஹ –
அஹமிதி ।
ஏதத்³யோநீநி இத்யுக்தே ஸமநந்தரப்ரக்ருதஜீவபூ⁴தப்ரக்ருதௌ ஏதச்ச²ப்³த³ஸ்ய அவ்யவதா⁴நாத் ப்ரவ்ருத்திம் ஆஶங்க்ய, வ்யாகரோதி -
ஏததி³தி ।
ஸர்வாணி சேதநாசேதநாநி, ஜநிமந்தி இத்யர்த²: ।
ஸர்வபூ⁴தகாரணத்வேந ப்ரக்ருதித்³வயம் அங்கீ³க்ருதம் சேத் , கத²ம் அஹமித்யாத்³யுக்தம்? இத்யாஶங்க்யாஹ -
யஸ்மாதி³தி ।
மம ப்ரக்ருதீ - பரமேஶ்வரஸ்ய உபாதி⁴தயா ஸ்தி²தே, இத்யர்த²: ।
தர்ஹி, ப்ரக்ருதித்³வயம் காரணம் ஈஶ்வரஶ்ச, இதி ஜக³த: அநேகவித⁴காரணாங்கீ³கரணம் ஸ்யாத் , இத்யாஶங்க்ய, ஆஹ -
ப்ரக்ருதீதி ।
அபரப்ரக்ருதே: அசேதநத்வாத் பரப்ரக்ருதே: சேதநத்வே(அ)பி கிஞ்சிம்ஜ்ஞத்வாத் ஈஶ்வரஸ்யைவ ஸர்வகாரணத்வம் யுக்தம் , இத்யாஹ -
ஸர்வஜ்ஞேதி
॥ 6 ॥