ನಾನ್ಯದಸ್ತಿ ಪರಮ್ , ಇತ್ಯತ್ರ ಹೇತುಮ್ ಆಹ -
ಮಯೀತಿ ।
ಪರತರಶಬ್ದಾರ್ಥಮ್ ಆಹ -
ಅನ್ಯದಿತಿ ।
ಸ್ವಾತಂತ್ರ್ಯವ್ಯಾವೃತ್ತ್ಯರ್ಥಮ್ ಅಂತರಶಬ್ದಃ ।
ನಿಷೇಧಫಲಂ ಕಥಯತಿ -
ಅಹಮೇವೇತಿ ।
ಸರ್ವಜಗತ್ಕಾರಣತ್ವೇನ ಸಿದ್ಧಮ್ ಅರ್ಥಂ ದ್ವೀತೀಯಾರ್ಧವ್ಯಾಖ್ಯಾನೇನ ವಿಶದಯತಿ -
ಯಸ್ಮಾದಿತಿ ।
ಅತೋ (ಯಥಾ) ದೀರ್ಘೋಷು ತಿರ್ಯಕ್ಷು ಚ ಪಟಘಟಿತೇಷು ತಂತುಷು ಪಟಸ್ಯ ಅನುಗತಿಃ ಅವಗಮ್ಯತೇ, ತದ್ವತ್ ಮಯ್ಯೇವ ಅನುಗತಂ ಜಗತ್ , ಇತ್ಯಾಹ -
ದೀರ್ಘೇತಿ ।
ಯಥಾ ಚ ಮಣಯಃ ಸೂತ್ರೇ ಅನುಸ್ಯೂತಾಃ ತೇನೈವ ಧ್ರಿಯಂತೇ ತದಭಾವೇ ವಿಪ್ರಕೀರ್ಯಂತೇ, ತಥಾ ಮಯೈವ ಆತ್ಮಭೂತೇನ ಸರ್ವಂ ವ್ಯಾಪ್ತಂ ತತೋ ನಿಷ್ಕೃಷ್ಟಂ ವಿನಷ್ಟಮೇವ ಸ್ಯಾತ್ ಇತಿ ಶ್ಲೋಕೋಕ್ತಂ ದೃಷ್ಟಾಂತಮ್ ಆಹ -
ಸೂತ್ರ ಇತಿ
॥ ೭ ॥