ಶ್ರೀಮದ್ಭಗವದ್ಗೀತಾಭಾಷ್ಯಮ್
ಸಪ್ತಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ಬಹೂನಾಂ ಜನ್ಮನಾಮಂತೇ ಜ್ಞಾನವಾನ್ಮಾಂ ಪ್ರಪದ್ಯತೇ ।
ವಾಸುದೇವಃ ಸರ್ವಮಿತಿ ಸ ಮಹಾತ್ಮಾ ಸುದುರ್ಲಭಃ ॥ ೧೯ ॥
ಬಹೂನಾಂ ಜನ್ಮನಾಂ ಜ್ಞಾನಾರ್ಥಸಂಸ್ಕಾರಾಶ್ರಯಾಣಾಮ್ ಅಂತೇ ಸಮಾಪ್ತೌ ಜ್ಞಾನವಾನ್ ಪ್ರಾಪ್ತಪರಿಪಾಕಜ್ಞಾನಃ ಮಾಂ ವಾಸುದೇವಂ ಪ್ರತ್ಯಗಾತ್ಮಾನಂ ಪ್ರತ್ಯಕ್ಷತಃ ಪ್ರಪದ್ಯತೇ । ಕಥಮ್ ? ವಾಸುದೇವಃ ಸರ್ವಮ್ ಇತಿ । ಯಃ ಏವಂ ಸರ್ವಾತ್ಮಾನಂ ಮಾಂ ನಾರಾಯಣಂ ಪ್ರತಿಪದ್ಯತೇ, ಸಃ ಮಹಾತ್ಮಾ ; ನ ತತ್ಸಮಃ ಅನ್ಯಃ ಅಸ್ತಿ, ಅಧಿಕೋ ವಾ । ಅತಃ ಸುದುರ್ಲಭಃ, ‘ಮನುಷ್ಯಾಣಾಂ ಸಹಸ್ರೇಷು’ (ಭ. ಗೀ. ೭ । ೩) ಇತಿ ಹಿ ಉಕ್ತಮ್ ॥ ೧೯ ॥
ಬಹೂನಾಂ ಜನ್ಮನಾಮಂತೇ ಜ್ಞಾನವಾನ್ಮಾಂ ಪ್ರಪದ್ಯತೇ ।
ವಾಸುದೇವಃ ಸರ್ವಮಿತಿ ಸ ಮಹಾತ್ಮಾ ಸುದುರ್ಲಭಃ ॥ ೧೯ ॥
ಬಹೂನಾಂ ಜನ್ಮನಾಂ ಜ್ಞಾನಾರ್ಥಸಂಸ್ಕಾರಾಶ್ರಯಾಣಾಮ್ ಅಂತೇ ಸಮಾಪ್ತೌ ಜ್ಞಾನವಾನ್ ಪ್ರಾಪ್ತಪರಿಪಾಕಜ್ಞಾನಃ ಮಾಂ ವಾಸುದೇವಂ ಪ್ರತ್ಯಗಾತ್ಮಾನಂ ಪ್ರತ್ಯಕ್ಷತಃ ಪ್ರಪದ್ಯತೇ । ಕಥಮ್ ? ವಾಸುದೇವಃ ಸರ್ವಮ್ ಇತಿ । ಯಃ ಏವಂ ಸರ್ವಾತ್ಮಾನಂ ಮಾಂ ನಾರಾಯಣಂ ಪ್ರತಿಪದ್ಯತೇ, ಸಃ ಮಹಾತ್ಮಾ ; ನ ತತ್ಸಮಃ ಅನ್ಯಃ ಅಸ್ತಿ, ಅಧಿಕೋ ವಾ । ಅತಃ ಸುದುರ್ಲಭಃ, ‘ಮನುಷ್ಯಾಣಾಂ ಸಹಸ್ರೇಷು’ (ಭ. ಗೀ. ೭ । ೩) ಇತಿ ಹಿ ಉಕ್ತಮ್ ॥ ೧೯ ॥

ಜ್ಞಾನವತ್ವಂ ಪ್ರಾಕ್ತನೇಷ್ವಪಿ ಜನ್ಮಸು ಸಂಭಾವಿತಮ್ ,  ಇತ್ಯಾಶಂಕ್ಯ, ಆಹ -

ಪ್ರಾಪ್ತೇತಿ ।

ಜ್ಞಾನವತೋ ಭಗವತ್ಪ್ರತಿಪತ್ತಿಂ ಪ್ರಶ್ನದ್ವಾರಾ ವಿವೃಣೋತಿ -

ಕಥಮಿತಿ ।

ಯಥೋಕ್ತಜ್ಞಾನಸ್ಯ ತದ್ವತಶ್ಚ ದುರ್ಲಭತ್ವಂ ಸೂಚಯತಿ -

ಯ ಏವಮಿತಿ ।

ಮಹತ್ - ಸರ್ವೋತ್ಕೃಷ್ಟಮ್ ಆತ್ಮಶಬ್ದಿತಂ ವೈಭವಮ್ ಅಸ್ಯ, ಇತಿ ಮಹಾತ್ಮಾ । ಮಹಾತ್ಮತ್ವೇ ಫಲಿತಮ್ ಆಹ -

ಅತ ಇತಿ ।

ತತ್ರ ವಾಕ್ಯೋಪಕ್ರಮಾನುಕೂಲ್ಯಂ ಕಥಯತಿ -

ಮನುಷ್ಯಾಣಾಮಿತಿ

॥ ೧೯ ॥