अद्वैतशारदा | दक्षिणाम्नाय श्रीशारदापीठम्, शृङ्गेरी

కామైస్తైస్తైర్హృతజ్ఞానాః ప్రపద్యన్తేఽన్యదేవతాః ।
తం తం నియమమాస్థాయ ప్రకృత్యా నియతాః స్వయా ॥ ౨౦ ॥

కామైః తైస్తైః పుత్రపశుస్వర్గాదివిషయైః హృతజ్ఞానాః అపహృతవివేకవిజ్ఞానాః ప్రపద్యన్తే అన్యదేవతాః ప్రాప్నువన్తి వాసుదేవాత్ ఆత్మనః అన్యాః దేవతాః ; తం తం నియమం దేవతారాధనే ప్రసిద్ధో యో యో నియమః తం తమ్ ఆస్థాయ ఆశ్రిత్య ప్రకృత్యా స్వభావేన జన్మాన్తరార్జితసంస్కారవిశేషేణ నియతాః నియమితాః స్వయా ఆత్మీయయా ॥ ౨౦ ॥

కామైరితి ; తం తమితి ; ప్రకృత్యేతి ;

కామైః నానావిధైః అపహృతవివేకవిజ్ఞానస్య దేవతాన్తరనిష్ఠత్వమేవ ప్రత్యగ్భూతపరదేవతాప్రతిపత్త్యభావే కారణమ్ , ఇత్యాహ -

కామైరితి ।

దేవతాన్తరనిష్ఠత్వే హేతుమ్ ఆహ -

తం తమితి ।

ప్రసిద్ధో నియమః జపోపవాసప్రదక్షిణనమస్కారాదిః । నియమవిశేషాశ్రయణే కారణమ్ ఆహ -

ప్రకృత్యేతి

॥ ౨౦ ॥