ಶ್ರೀಮದ್ಭಗವದ್ಗೀತಾಭಾಷ್ಯಮ್
ಸಪ್ತಮೋಽಧ್ಯಾಯಃ
ಪೂರ್ವಪೃಷ್ಠಮ್      ಉತ್ತರಪೃಷ್ಠಮ್
ಆನಂದಗಿರಿಟೀಕಾ (ಗೀತಾಭಾಷ್ಯ)
 
ವೇದಾಹಂ ಸಮತೀತಾನಿ ವರ್ತಮಾನಾನಿ ಚಾರ್ಜುನ ।
ಭವಿಷ್ಯಾಣಿ ಚ ಭೂತಾನಿ ಮಾಂ ತು ವೇದ ನ ಕಶ್ಚನ ॥ ೨೬ ॥
ಅಹಂ ತು ವೇದ ಜಾನೇ ಸಮತೀತಾನಿ ಸಮತಿಕ್ರಾಂತಾನಿ ಭೂತಾನಿ, ವರ್ತಮಾನಾನಿ ಚ ಅರ್ಜುನ, ಭವಿಷ್ಯಾಣಿ ಚ ಭೂತಾನಿ ವೇದ ಅಹಮ್ । ಮಾಂ ತು ವೇದ ನ ಕಶ್ಚನ ಮದ್ಭಕ್ತಂ ಮಚ್ಛರಣಮ್ ಏಕಂ ಮುಕ್ತ್ವಾ ; ಮತ್ತತ್ತ್ವವೇದನಾಭಾವಾದೇವ ನ ಮಾಂ ಭಜತೇ ॥ ೨೬ ॥
ವೇದಾಹಂ ಸಮತೀತಾನಿ ವರ್ತಮಾನಾನಿ ಚಾರ್ಜುನ ।
ಭವಿಷ್ಯಾಣಿ ಚ ಭೂತಾನಿ ಮಾಂ ತು ವೇದ ನ ಕಶ್ಚನ ॥ ೨೬ ॥
ಅಹಂ ತು ವೇದ ಜಾನೇ ಸಮತೀತಾನಿ ಸಮತಿಕ್ರಾಂತಾನಿ ಭೂತಾನಿ, ವರ್ತಮಾನಾನಿ ಚ ಅರ್ಜುನ, ಭವಿಷ್ಯಾಣಿ ಚ ಭೂತಾನಿ ವೇದ ಅಹಮ್ । ಮಾಂ ತು ವೇದ ನ ಕಶ್ಚನ ಮದ್ಭಕ್ತಂ ಮಚ್ಛರಣಮ್ ಏಕಂ ಮುಕ್ತ್ವಾ ; ಮತ್ತತ್ತ್ವವೇದನಾಭಾವಾದೇವ ನ ಮಾಂ ಭಜತೇ ॥ ೨೬ ॥

ಲೋಕಸ್ಯ ಮಾಯಾಪ್ರತಿಬದ್ಧವಿಜ್ಞಾನತ್ವಾದೇವ ಭಗವದಾಭಿಮುಖ್ಯಶೂನ್ಯತ್ವಮ್ , ಇತ್ಯಾಹ -

ಮಾಂತ್ವಿತಿ ।

ಕಾಲತ್ರಯಪರಿಚ್ಛಿನ್ನಸಮಸ್ತವಸ್ತುಪರಿಜ್ಞಾನೇ ಪ್ರತಿಬಂಧೋ ನ ಈಶ್ವರಸ್ಯ ಅಸ್ತಿ, ಇತಿ ದ್ಯೋತನಾರ್ಥಃ ತುಶಬ್ದಃ । ‘ಮಾಂ ತು’ ಇತಿ ಲೋಕಸ್ಯ ಭಗವತ್ತತ್ವವಿಜ್ಞಾನಪ್ರತಿಬಂಧಂ ದ್ಯೋತಯತಿ ।

ತರ್ಹಿ ತ್ವದ್ಭಕ್ತಿಃ ವಿಫಲಾ, ಇತ್ಯಾಶಂಕ್ಯ, ಆಹ-

ಮದ್ಭಕ್ತಮಿತಿ ।

ತರ್ಹಿ ಸರ್ವೋಽಪಿ ತ್ವದ್ಭಕ್ತಿದ್ವಾರಾ ತ್ವಾಂ ಜ್ಞಾಸ್ಯತಿ, ನೇತ್ಯಾಹ -

ಮತ್ತತ್ತ್ವೇತಿ ।

ವಿವೇಕವತೋ ಮದ್ಭಜನಮ್ , ನ ತು ವಿವೇಕಶೂನ್ಯಸ್ಯ ಸರ್ವಸ್ಯಾಪಿ, ಇತ್ಯರ್ಥಃ

॥ ೨೬ ॥