ஶ்ரீமத்³ப⁴க³வத்³கீ³தாபா⁴ஷ்யம்
ஸப்தமோ(அ)த்⁴யாய:
பூர்வப்ருஷ்ட²ம்      உத்தரப்ருஷ்ட²ம்
ஆநந்த³கி³ரிடீகா (கீ³தாபா⁴ஷ்ய)
 
வேதா³ஹம் ஸமதீதாநி வர்தமாநாநி சார்ஜுந ।
ப⁴விஷ்யாணி ச பூ⁴தாநி மாம் து வேத³ ந கஶ்சந ॥ 26 ॥
அஹம் து வேத³ ஜாநே ஸமதீதாநி ஸமதிக்ராந்தாநி பூ⁴தாநி, வர்தமாநாநி ச அர்ஜுந, ப⁴விஷ்யாணி ச பூ⁴தாநி வேத³ அஹம் । மாம் து வேத³ ந கஶ்சந மத்³ப⁴க்தம் மச்ச²ரணம் ஏகம் முக்த்வா ; மத்தத்த்வவேத³நாபா⁴வாதே³வ ந மாம் ப⁴ஜதே ॥ 26 ॥
வேதா³ஹம் ஸமதீதாநி வர்தமாநாநி சார்ஜுந ।
ப⁴விஷ்யாணி ச பூ⁴தாநி மாம் து வேத³ ந கஶ்சந ॥ 26 ॥
அஹம் து வேத³ ஜாநே ஸமதீதாநி ஸமதிக்ராந்தாநி பூ⁴தாநி, வர்தமாநாநி ச அர்ஜுந, ப⁴விஷ்யாணி ச பூ⁴தாநி வேத³ அஹம் । மாம் து வேத³ ந கஶ்சந மத்³ப⁴க்தம் மச்ச²ரணம் ஏகம் முக்த்வா ; மத்தத்த்வவேத³நாபா⁴வாதே³வ ந மாம் ப⁴ஜதே ॥ 26 ॥

லோகஸ்ய மாயாப்ரதிப³த்³த⁴விஜ்ஞாநத்வாதே³வ ப⁴க³வதா³பி⁴முக்²யஶூந்யத்வம் , இத்யாஹ -

மாந்த்விதி ।

காலத்ரயபரிச்சி²ந்நஸமஸ்தவஸ்துபரிஜ்ஞாநே ப்ரதிப³ந்தோ⁴ ந ஈஶ்வரஸ்ய அஸ்தி, இதி த்³யோதநார்த²: துஶப்³த³: । ‘மாம் து’ இதி லோகஸ்ய ப⁴க³வத்தத்வவிஜ்ஞாநப்ரதிப³ந்த⁴ம் த்³யோதயதி ।

தர்ஹி த்வத்³ப⁴க்தி: விப²லா, இத்யாஶங்க்ய, ஆஹ-

மத்³ப⁴க்தமிதி ।

தர்ஹி ஸர்வோ(அ)பி த்வத்³ப⁴க்தித்³வாரா த்வாம் ஜ்ஞாஸ்யதி, நேத்யாஹ -

மத்தத்த்வேதி ।

விவேகவதோ மத்³ப⁴ஜநம் , ந து விவேகஶூந்யஸ்ய ஸர்வஸ்யாபி, இத்யர்த²:

॥ 26 ॥