ಭಗವದನುಸಂಧಾನಂ ಕರ್ತವ್ಯಮ್ ಉಕ್ತ್ವಾ, ತೇನ ಸಹ ಸ್ವಧರ್ಮಮಪಿ ಕುರು ಯುದ್ಧಮ್ ಇತಿ ಉಪದಿಶತಾ ಭಗವತಾ ಸಮುಚ್ಚಯಃ ಜ್ಞಾನಕರ್ಮಣೋಃ ಅಂಗೀಕೃತೋ ಭಾತಿ, ಇತ್ಯಾಶಂಕ್ಯ, ಆಹ -

ಮಯೀತಿ ।

ಮನೋಬುದ್ಧಿಗೋಚರಂ ಕ್ರಿಯಾಕಾರಕಫಲಜಾತಂ ಸಕಲಮಪಿ ಬ್ರಹ್ಮೈವ, ಇತಿ ಭಾವಯನ್ , ಯುಧ್ಯಸ್ವ ಇತಿ ಬ್ರುವತಾ ಕ್ರಿಯಾದಿಕಲಾಪಸ್ಯ ಬ್ರಹ್ಮಾತಿರಿಕ್ತಸ್ಯ ಅಭಾವಾಭಿಲಾಪಾತ್ ನಾತ್ರ ಸಮುಚ್ಚಯೋ ವಿವಕ್ಷಿತಃ, ಇತ್ಯರ್ಥಃ ।

ಉಕ್ತರೀತ್ಯಾ ಸ್ವಧರ್ಮಮ್ ಅನುವರ್ತಮಾನಸ್ಯ ಪ್ರಯೋಜನಮ್ ಆಹ –

ಮಾಮೇವೇತಿ ।

ಉಕ್ತಸಾಧನವಶಾತ್ ಫಲಪ್ರಾಪ್ತೌ ಪ್ರತಿಬಂಧಾಭಾವಂ ಸೂಚಯತಿ -

ಅಸಂಶಯ ಇತಿ

॥  ೭ ॥