భగవదనుసన్ధానం కర్తవ్యమ్ ఉక్త్వా, తేన సహ స్వధర్మమపి కురు యుద్ధమ్ ఇతి ఉపదిశతా భగవతా సముచ్చయః జ్ఞానకర్మణోః అఙ్గీకృతో భాతి, ఇత్యాశఙ్క్య, ఆహ -
మయీతి ।
మనోబుద్ధిగోచరం క్రియాకారకఫలజాతం సకలమపి బ్రహ్మైవ, ఇతి భావయన్ , యుధ్యస్వ ఇతి బ్రువతా క్రియాదికలాపస్య బ్రహ్మాతిరిక్తస్య అభావాభిలాపాత్ నాత్ర సముచ్చయో వివక్షితః, ఇత్యర్థః ।
ఉక్తరీత్యా స్వధర్మమ్ అనువర్తమానస్య ప్రయోజనమ్ ఆహ –
మామేవేతి ।
ఉక్తసాధనవశాత్ ఫలప్రాప్తౌ ప్రతిబన్ధాభావం సూచయతి -
అసంశయ ఇతి
॥ ౭ ॥