अद्वैतशारदा | दक्षिणाम्नाय श्रीशारदापीठम्, शृङ्गेरी

సహస్రయుగపర్యన్తమహర్యద్బ్రహ్మణో విదుః ।
రాత్రిం యుగసహస్రాన్తాం తేఽహోరాత్రవిదో జనాః ॥ ౧౭ ॥

సహస్రయుగపర్యన్తం సహస్రాణి యుగాని పర్యన్తః పర్యవసానం యస్య అహ్నః తత్ అహః సహస్రయుగపర్యన్తమ్ , బ్రహ్మణః ప్రజాపతేః విరాజః విదుః, రాత్రిమ్ అపి యుగసహస్రాన్తాం అహఃపరిమాణామేవ । కే విదురిత్యాహ — తే అహోరాత్రవిదః కాలసఙ్ఖ్యావిదో జనాః ఇత్యర్థః । యతః ఎవం కాలపరిచ్ఛిన్నాః తే, అతః పునరావర్తినో లోకాః ॥ ౧౭ ॥

సహస్రేత్యాదినా ; యత ఇతి ;

యథోక్తాహోరాత్రావయవమాసర్త్వయనసంవత్సరావయవశతసఙ్ఖ్యాయురవచ్ఛిన్నత్వాత్ ప్రజాపతేః తదన్తర్వర్తినామపి లోకానాం యథాయోగ్యకాలపరిచ్ఛిన్నత్వేన పునరావృత్తిః, ఇత్యభిప్రేత్య వ్యాచష్టే -

సహస్రేత్యాదినా ।

అక్షరార్థమ్ ఉక్త్వా, తాత్పర్యార్థమ్ ఆహ -

యత ఇతి

॥ ౧౭ ॥