अद्वैतशारदा | दक्षिणाम्नाय श्रीशारदापीठम्, शृङ्गेरी

అశ్రద్దధానాః పురుషా ధర్మస్యాస్య పరన్తప ।
అప్రాప్య మాం నివర్తన్తే మృత్యుసంసారవర్త్మని ॥ ౩ ॥

అశ్రద్దధానాః శ్రద్ధావిరహితాః ఆత్మజ్ఞానస్య ధర్మస్య అస్య స్వరూపే తత్ఫలే చ నాస్తికాః పాపకారిణః, అసురాణామ్ ఉపనిషదం దేహమాత్రాత్మదర్శనమేవ ప్రతిపన్నాః అసుతృపః పాపాః పురుషాః అశ్రద్దధానాః, పరన్తప, అప్రాప్య మాం పరమేశ్వరమ్ , మత్ప్రాప్తౌ నైవ ఆశఙ్కా ఇతి మత్ప్రాప్తిమార్గభేదభక్తిమాత్రమపి అప్రాప్య ఇత్యర్థః । నివర్తన్తే నిశ్చయేన వర్తన్తే ; క్వ ? — మృత్యుసంసారవర్త్మని మృత్యుయుక్తః సంసారః మృత్యుసంసారః తస్య వర్త్మ నరకతిర్యగాదిప్రాప్తిమార్గః, తస్మిన్నేవ వర్తన్తే ఇత్యర్థః ॥ ౩ ॥

పాపేతి ; మత్ప్రాప్తావితి ;

ఆత్మజ్ఞానతత్ఫలయోః నాస్తికానేవ విశినష్టి -

పాపేతి ।

ఉక్తానామ్ ఆత్మమ్భరీణాం భగవత్ప్రాప్తిసమ్భావనాభావాత్ ‘ అప్రాప్య మామ్ ‘ ఇతి అప్రసక్తప్రతిషేధః స్యాత్ , ఇత్యాశఙ్క్య, ఆహ-

మత్ప్రాప్తావితి

॥ ౩ ॥