ಸೋಪಾಧಿಕಸ್ಯ ವ್ಯಾಪ್ತ್ಯಸಂಭವಮ್ ಅಭಿಪ್ರೇತ್ಯ ವಿಶಿನಷ್ಟಿ -

ಮಮೇತಿ ।

ಅನವಚ್ಛಿನ್ನಸ್ಯ ಭಗವದ್ರೂಪಸ್ಯ ನಿರುಪಾಧಿಕತ್ವಮೇವ ಸಾಧಯತಿ -

ಕರಣೇತಿ ।

ವ್ಯಾಪ್ಯವ್ಯಾಪಕತ್ವೇನ ಜಗತೋ ಭಗವತಶ್ಚ ಪರಿಚ್ಛೇದಮಾಶಂಕ್ಯ, ಆಹ -

ತಸ್ಮಿನ್ನಿತಿ ।

ತಥಾಪಿ ಭಗವತೋ ಭೂತಾನಾಂಚ ಆಧಾರಾಧೇಯತ್ವೇನ ಭೇದಃ ಸ್ಯಾತ್ , ಇತ್ಯಾಶಂಕ್ಯ, ಆಹ -

ನಹೀತಿ ।

ನಿರಾತ್ಮಕಸ್ಯ ವ್ಯವಹಾರಾನರ್ಹತ್ವೇ ಫಲಿತಮಾಹ -

ಅತ ಇತಿ ।

ಈಶ್ವರಸ್ಯ ಭೂತಾತ್ಮತ್ವೇ ತೇಷು ಸ್ಥಿತಿಃ ಸ್ಯಾತ್ , ಇತ್ಯಾಶಂಕ್ಯ, ಆಹ -

ತೇಷಾಮಿತಿ ।

ತಸ್ಯ ತೇಷು ಸ್ಥಿತ್ಯಭಾವಂ ವ್ಯವಸ್ಥಾಪಯತಿ -

ಮೂರ್ತವದಿತಿ ।

ಸಂಶ್ಲೇಷಾಭಾವೇಽಪಿ ಕಿಮಿತಿ ನ ಆಧೇಯತ್ವಮ್ , ಅತ ಆಹ -

ನಹೀತಿ

॥ ೪ ॥